గబ్బర్ సింగ్ చిత్రం స్టార్ డైరెక్టర్ అనిపించుకున్న హరీష్ శంకర్..ఆ తర్వాత ఆ తరహా విజయాన్ని మాత్రం ఇంతవరకు అందుకోలేదు. గబ్బర్ సింగ్ తర్వాత రామయ్య వస్తావయ్యా , సుబ్రహ్మణ్యం ఫర్ సేల్, డీజే చిత్రాలు దిల్ రాజు బ్యానర్ లో చేసాడు. ఈ మూడు కూడా పెద్దగా విజయ డంఖా మోగించలేకపోయాయి. అయినాగానీ దిల్ రాజు – హరీష్ తో సినిమా ప్లాన్ చేసాడు. తాజాగా దిల్ రాజు తాను నిర్మించిన లవర్ చిత్ర ప్రమోషన్ లలో హరీష్ సినిమా ప్రస్తావించకపోవడం కాస్త హరీష్ ను బాధకు గురి చేసింది.
రాజ్ తరుణ్ తో దిల్ రాజు నిర్మించిన `లవర్` రేపు (జులై 20) ప్రేక్షకుల ముందుకు రాబోతుంది. ఈ నేపథ్యం లో రిలీజ్ ప్రమోషన్లో భాగంగా ఇచ్చిన ఇంటర్వ్యూలో దిల్రాజు తన సినిమాల రిలీజ్ తేదీల్ని ప్రకటించారు. నితిన్ `శ్రీనివాస కళ్యాణం` ఆగస్టు 9న, రామ్ సినిమా `హలో గురు ప్రేమ కోసమే` దసరా కానుకగా అక్టోబర్ 18న, వెంకీ-వరుణ్తేజ్ మల్టీస్టారర్ `ఎఫ్ 2` జనవరి 12న, 2019 ఏప్రిల్ 25న మహేష్ సినిమా రిలీజ్ చేస్తాం అంటూ తెలిపాడు. ఆ క్రమంలోనే హరీష్ శంకర్ దర్శకత్వంలోని `దాగుడు మూతలు` ప్రస్తుతానికి వాయిదా పడిందని దిల్ రాజు హింట్ ఇచ్చారు. దీనిపై కాస్తంత నిర్వేదం ఫీలైన హరీష్ సామాజిక మాధ్యమంలో స్పందిస్తూ..“ఈ జాబితా నుంచి నా సినిమా మిస్సయింది. కాస్త ఇబ్బందికరంగానే ఉంది. కానీ కొన్నిసార్లు కొన్ని తప్పవు.. అయితే ఆ ఐదు సినిమాల రిలీజ్లకు నా హృదయపూర్వక శుభాకాంక్షలు చెబుతున్నా“ అని అన్నారు.
Missed my film in this list …. Feeling weird ….. but konni saarlu konni thappavu ..
My whole hearted Best wishes to all the 5 films ????? https://t.co/TcpcqVcODX— Harish Shankar .S (@harish2you) July 18, 2018