పోసాని కృష్ణమురళి ,ఈ పేరు కు పరిచయాలక్కరలేదు . మెంటల్ కృష్ణగా సుపరిచుతుడైన ఈ నటుడు ఏదైనా సూటిగా మాట్లాడటంలో తనకు తానే సాటి . తన తాత స్థాపించిన తెలుగుదేశం పార్టీ అంటే జూనియర్ ఎన్టీఆర్ కు ఎంత అభిమానమో చెప్పక్కర్లేదు. 2009 ఎన్నికల్లో టీడీపీ తరపున తారక్ పూర్తి స్థాయిలో ప్రచారం నిర్వహించాడు. ఆనాడు నిర్వహించిన ప్రచారానికి ప్రజల్లో మంచి స్పందన వచ్చింది. ఆ తర్వాత ఆయన రాజకీయపరంగా సైలెంట్ అయిపోయాడు. ఈ నేపథ్యంలో, తారక్ రాజకీయ జీవితంపై సినీ నటుడు పోసాని కృష్ణ మురళి ఆసక్తికర వ్యాఖ్యలు చేశారు. ఎన్టీఆర్ పై ప్రజలకు నమ్మకం ఉంటే ఆయన తప్పకుండా సీఎం అవుతారని చెప్పారు. ఆత్మవిశ్వాసంతో సీనియర్ ఎన్టీఆర్ ముఖ్యమంత్రి అయ్యారని… ప్రజల పట్ల ప్రేమ, నిబద్ధత ఉంటే ఈ ఎన్టీఆర్ కూడా సీఎం అవుతాడని అన్నారు.
