నిఖిల్ నుండి రాబోతున్న తాజా చిత్రం అర్జున్ సురవరం. గత కొద్దీ నెలలుగా విడుదలకు నోచుకోకుండా ల్యాబ్ కే పరిమితం అయినా సంగతి తెలిసిందే. అదిగో ఇదిగో అంటున్నారే తప్ప సినిమా మాత్రం రిలీజ్ కావడం లేదు. ఇక ఈ సినిమా రిలీజ్ కాదని అంత ఫిక్స్ అయినా నేపథ్యంలో నవంబర్ 29 వ తేదీన చిత్రాన్ని విడుదల చేస్తున్నట్లు చిత్ర యూనిట్ అధికారిక ప్రకటన చేసారు.
ప్రస్తుతం సినిమా ప్రమోషన్లో భాగంగా నిఖిల్ ఈ సినిమా కోసం చాల కష్టపడినట్లు చెప్పుకొచ్చాడు. ఆయన పడిన కష్టం వృధా కాదని ట్రైలర్ చూస్తే అర్ధమవుతుంది. మొన్నటి వరకు సినిమాపై పెద్దగా అంచనాలు లేకపోయినా ట్రైలర్ వచ్చాక మాత్రం అంత ఈ సినిమా గురించే మాట్లాడుకుంటున్నారు. ఈ సినిమాతో నిఖిల్ హిట్ కొడతాడని..తన సత్తా చాటడం గ్యారెంటీ అని అంటున్నారు. ఎడ్యుకేషన్ మరియు సర్టిఫికెట్స్ మాఫియాపై అర్జున్ పోరాటమే ఈ చిత్రం అని తెలుస్తుంది. టి.సంతోష్ దర్శకత్వం వహించిన ఈ సినిమాను బి.మధు సమర్పణలో మూవీ డైనమిక్స్ ఎల్ఎల్‌పీ, ఔరా సినిమాస్ ప్రైవేట్ లిమిటెడ్ బ్యానర్ల పై రాజ్ కుమార్ ఆకెళ్ల, కావ్య వేణుగోపాల్ నిర్మించారు. నిఖిల్ కు జోడిగా లావణ్య త్రిపాఠి నటించింది.
