బాలీవుడ్ నటుడు సుశాంత్ ఆత్మహత్య చేసుకొని మూడునెలలు గడుస్తున్నా ఇంకా ఆయన పేరు మీడియా లో ప్రచారం అవుతూనే ఉంది. ప్రస్తుతం ఈయన ఆత్మహత్య కేసును విచారిస్తుండగా..సంచలన విషయాలు బయటపడుతున్నాయి. తాజాగా సుశాంత్ కు సంబదించిన డైరీ బయటపడింది. ఆ డైరీ లో 2020లో ఎన్నో కార్యక్రమాలు చేసేందుకు ప్లాన్ చేసుకున్నాడు. డైరీ మొదటి పేజీలో అనుభవం, విశ్లేషణపై పలు విషయాలు రాసుకున్నారు.
ఏప్రిల్ 27, 2018 నాటి నోట్‌లో సుశాంత్ సింగ్ రాజ్‌పుత్ తన దినచర్యను రాశారు. ఆరోజు తెల్లవారుజామున 2:30 గంటలకు మేల్కొన్నారు. అతను కొన్ని వేద శ్లోకాలను పఠించాడని కూడా డైరీలో రాసుకున్నారు. మర్నాడు కేదార్‌నాథ్‌ గురించి చదవాలని ప్లాన్ చేసుకున్నారు. స్మోకింగ్‌ మానేయాలనే ప్రయత్నాన్ని కూడా ఆ రోజు తన డైరీ రాసుకున్నారు. రెండో పేజీలో సమస్యలను ఎలా పరిష్కరించాలి… ఎందుకు ఆనందం… సరైన సమాధానం లేదు, మంచి ప్రశ్నలు మాత్రమే ఉన్నాయి అని రాశారు. అలాగే – అనుభవం, విశ్లేషణ, ఆనందం, ధైర్యం, బ్రిలియెన్స్ మరియు డివైన్ అని కూడా రాసుకున్నారు. ప్రస్తుతం సోషల్ మీడియా లో ఈ డైరీ వైరల్ గా మారింది.
