మార్కెట్లోకి ఎప్పటికప్పుడు సరికొత్త మొబైల్స్ వస్తూ..వినియోగదారులను తెగ ఆకట్టుకుంటున్న సంగతి తెల్సిందే. తాజాగా హెచ్ఎండీ గ్లోబల్ సంస్థ సరికొత్త బనానా స్మార్ట్ ఫోన్ ను తీసుకొచ్చింది. ‘నోకియా 8110 4జీ బనానా ఫోన్’ పేరుతో ఈ ఫోన్ను తీసుకొచ్చింది. అరటిపండు ఆకృతిలో వంపు కలిగి ఉండడం ఈ ఫోన్ ప్రత్యేకత.
జియో ఫోన్లో ఉపయోగించే ‘కై’ ఆపరేటింగ్ సిస్టమ్ ఆధారంగా పనిచేసేలా ఈ ఫోన్ను తయారు చేసారు. ఈ 4జీ ఫీచర్ స్మార్ట్ఫోన్లో గతంలో ఆదరణ పొందిన కీప్యాడ్ స్లైడర్ విధానాన్ని చేర్చారు. ఇక ఈ ఫోన్ ధర రూ.5,999గా సంస్థ నిర్ణయించింది. అన్ని 4 జీ మొబైల్స్ లో మాదిరిగానే ఈ ఫోన్ లో కూడా వాట్సాప్, యూట్యూబ్, ఫేస్బుక్తోపాటు అన్ని రకాల గూగుల్ యాప్స్ ఉపయోగించుకునేలా రూపొందించారు. అక్టోబరు 24 నుంచి ఈ ఫోన్ వినియోగదారులకు అందుబాటులోకి రానుంది.
ఈ ఫోన్ ఫీచర్లు చూస్తే..
* డిస్ప్లే: 2.45 అంగుళాల కర్వ్డ్ డిస్ప్లే
* రిజల్యూషన్: 240 x 320 పిక్సెల్స్.
* ఆపరేటింగ్ సిస్టం: కై
* ప్రాసెసర్: 1.1 గిగా హెట్జ్ డ్యూయల్ కోర్
* కెమెరా: 2 మెగా పిక్సల్ బ్యాక్ కెమెరా, ఎల్ఈడీ ఫ్లాష్.
* ర్యామ్: 512 ఎంబీ
* స్టోరేజ్: 4 జీబీ
* డ్యుయల్ సిమ్ (మైక్రో+నానో)
* 4జీ ఓల్ట్, హాట్స్పాట్, వైఫై.
* 1500 ఎంఏహెచ్ బ్యాటరీ .