విజయ్ దేవరకొండ నటిస్తున్న కొత్త చిత్రం “కింగ్డమ్” యునైటెడ్ స్టేట్స్లో ఇప్పటికే అడ్వాన్స్ బుకింగ్స్తో దూసుకెళ్తోంది. సినిమా విడుదలకు ఇంకా రెండు వారాల సమయం ఉన్నప్పటికీ, ఇప్పటికే 64 లొకేషన్లలో 135 షోలకు టికెట్లు అమ్ముడవుతున్నాయి. ఇప్పటివరకు ఈ చిత్రం కోసం $15,000 (దాదాపు ₹13.63 లక్షలు) విలువైన టికెట్లు అమ్ముడయ్యాయి. ఏమాత్రం ట్రైలర్ విడుదల చేయకుండానే, ప్రమోషనల్ ఈవెంట్లు లేకుండానే ఈ స్థాయిలో స్పందన లభించడం “కింగ్డమ్” సినిమాపై ఉన్న హైప్ను బలంగా చూపిస్తోంది. టీజర్ విడుదలైనప్పటి నుంచి ఈ సినిమాపై అభిమానుల్లో అంచనాలు భారీగా పెరిగాయి.
ఈ చిత్రాన్ని శ్రీకర స్టూడియోస్ సమర్పణలో సితార ఎంటర్టైన్మెంట్స్ మరియు ఫార్చ్యూన్ ఫోర్ సినిమాస్ బ్యానర్స్పై నాగవంశీ, సాయి సౌజన్య నిర్మిస్తున్నారు. టాలెంటెడ్ డైరెక్టర్ గౌతమ్ తిన్ననూరి ఈ సినిమాను స్పై యాక్షన్ థ్రిల్లర్గా తెరకెక్కిస్తున్నారు. భాగ్యశ్రీ భోర్సే కథానాయికగా నటిస్తుండగా, అనిరుధ్ సంగీతాన్ని అందిస్తున్నారు. అత్యంత ఆసక్తిగా ఎదురుచూస్తున్న “కింగ్డమ్” సినిమా ఈ నెల 31న వరల్డ్ వైడ్ గ్రాండ్ థియేట్రికల్ రిలీజ్కు సిద్ధమవుతోంది.