Meher Ramesh: టాలీవుడ్ స్టైలిష్ డైరెక్టర్ మెహర్ రమేష్ త్వరలోనే వెండితెరపై నటుడిగా తన అదృష్టాన్ని పరీక్షించుకోవడానికి రెడీ అవుతున్నారని తెలుస్తోంది. మెగాస్టార్ చిరంజీవితో ‘భోళా శంకర్’ సినిమా తీసిన తర్వాత కొంతకాలం గ్యాప్ తీసుకున్న ఈ డైరెక్టర్, ఇప్పుడు దర్శకుడిగా కాకుండా నటుడిగా రీ-ఎంట్రీ ఇవ్వబోతున్నారనే వార్తలు ప్రస్తుతం సోషల్ మీడియాలో హాట్ టాపిక్గా మారింది. రాబోయే ఒక క్రేజీ ప్రాజెక్ట్లో ఆయన ఒక కీలక పాత్రలో నటించనున్నట్లు సమాచారం.
చాలా మందికి మెహర్ రమేష్ కేవలం డైరెక్టర్ గానే తెలుసు, కానీ ఆయన కెరీర్ స్టార్టింగ్లో నటుడిగా కూడా కనిపించారు. సూపర్ స్టార్ మహేష్ బాబు హీరోగా, శోభన్ దర్శకత్వంలో 2002లో వచ్చిన ‘బాబీ’ సినిమాలో మెహర్ రమేష్ ఒక కీలక పాత్రను పోషించారు. మహేష్ బాబు స్నేహితుడిగా ఆ సినిమాలో ఆయన చేసిన నటన అప్పట్లో ప్రేక్షకులను ఆకట్టుకుంది. ఆ తర్వాత మెహర్ రమేష్ పూర్తిగా మెగాఫోన్ పట్టి ఎన్టీఆర్ తో ‘కంత్రి’, ‘శక్తి’, ప్రభాస్ తో ‘బిల్లా’, వెంకటేష్తో ‘షాడో’ వంటి భారీ చిత్రాలను తెరకెక్కించారు.
దాదాపు రెండు దశాబ్దాల తర్వాత మెహర్ రమేష్ మళ్లీ మేకప్ వేసుకోబోతుండడం విశేషం. టాలీవుడ్లో ఒక వైపు దర్శకుడిగా కథలపై వర్క్ చేస్తూనే, మరోవైపు నటుడిగా ఈ రీ-ఎంట్రీ ఇన్నింగ్స్ను ప్లాన్ చేసుకుంటున్నారట. రాబోయే ఒక క్రేజీ సినిమాలో ఆయన చేయబోయే క్యారెక్టర్ చాలా విభిన్నంగా ఉండబోతుందని, ఇండస్ట్రీలోని ఆయన సన్నిహితులు చెబుతున్నారు. ఈ రీ-ఎంట్రీ ప్రాజెక్ట్ ఏంటి? మెహర్ రమేష్ ఇందులో ఎలాంటి పాత్రలో కనిపించబోతున్నారు? అనే విషయాలపై చిత్ర యూనిట్ నుంచి అధికారిక ప్రకటన రావాల్సి ఉంది. ఈ క్రేజీ అప్డేట్ టాలీవుడ్ వర్గాల్లో ఆసక్తిని రేకెత్తిస్తోంది.