Kamal Haasan: విలక్షణ నటుడు కమల్ హాసన్ అభిమానులకు అదిరిపోయే అప్డేట్ వచ్చింది. ఆయన నెక్ట్స్ సినిమాకు సంబంధించిన అధికారిక ప్రకటన తాజాగా వెలువడింది. ‘సిద్ధా’ సినిమాతో విమర్శకుల ప్రశంసలు అందుకున్న సెన్సేషనల్ డైరెక్టర్ ఎస్.యు.అరుణ్ కుమార్ దర్శకత్వంలో కమల్ హాసన్ ఓ భారీ చిత్రంలో నటించనున్నట్లు మేకర్స్ అఫీషియల్గా అనౌన్స్ చేశారు. ఈ సినిమాను కమల్ హాసన్కు చెందిన రాజ్ కమల్ ఫిల్మ్స్ ఇంటర్నేషనల్ బ్యానర్పై భారీ బడ్జెట్తో నిర్మించనున్నారు. కథ, కాన్సెప్ట్కు సంబంధించిన పూర్తి వివరాలను మేకర్స్ వెల్లడించకపోయినప్పటికీ.. పవర్ఫుల్ పోలీస్ బ్యాక్డ్రాప్లో తెరకెక్కే కమర్షియల్ యాక్షన్ ఎంటర్టైనర్గా ఈ ప్రాజెక్ట్ ఉండబోతున్నట్లు సమాచారం.
ఇక ఈ సినిమా కోసం కమల్ హాసన్ ఇప్పటికే తన లుక్పై ప్రత్యేకంగా దృష్టి పెట్టినట్లు తెలుస్తోంది. రఫ్ అండ్ రస్టిక్ లుక్లో ఆయన టెస్ట్ షూట్ కూడా పూర్తి చేసినట్లు సమాచారం. ఈ లుక్ సినిమాపై మరింత ఆసక్తిని పెంచుతోంది. కమల్ హాసన్ ఇమేజ్కు తగ్గట్టుగా యాక్షన్, ఎమోషన్, కమర్షియల్ ఎలిమెంట్స్తో డైరెక్టర్ అరుణ్ కుమార్ ఈ చిత్రాన్ని తెరకెక్కిస్తున్నట్లు తెలుస్తోంది. మరోవైపు ఈ ప్రాజెక్ట్ను పాన్ ఇండియా స్థాయిలో తెరకెక్కించేందుకు మేకర్స్ ప్లాన్ చేస్తున్నట్లు సమాచారం. తమిళంతో పాటు తెలుగు, హిందీ తదితర భాషల్లో ఈ సినిమాను ప్రేక్షకుల ముందుకు తీసుకురానున్నారని చెబుతున్నారు. త్వరలోనే ఈ చిత్రం సెట్స్పైకి వెళ్లనున్నట్లు తెలుస్తోంది. కమల్ హాసన్, ఎస్.యు. అరుణ్ కుమార్ కాంబినేషన్లో వస్తున్న ఈ సినిమా ప్రకటించిన వెంటనే సినీ వర్గాల్లో ఆసక్తి నెలకొంది. ‘సిద్ధా’తో తన టేకింగ్ను చూపించిన అరుణ్ కుమార్.. కమల్ హాసన్ లాంటి లెజెండరీ యాక్టర్ను తన సినిమాలో ఏ తరహా పాత్రలో చూపించబోతున్నారనేది ఇప్పుడు ఆసక్తికరంగా మారింది. ఈ సినిమాకు సంబంధించిన టైటిల్, ఇతర నటీనటులు, టెక్నికల్ టీమ్ వివరాలు త్వరలో వెల్లడయ్యే అవకాశం ఉంది.