Kiran Abbavaram : వరుస విజయాలతో ఫుల్ జోష్లో ఉన్న యువ హీరో కిరణ్ అబ్బవరం ప్రస్తుతం టాలీవుడ్లో హాట్ టాపిక్గా మారారు. మొదటి నుంచి వైవిధ్యమైన కథలను ఎంచుకుంటూ తనకంటూ ప్రత్యేక ఇమేజ్ను సృష్టించుకున్న ఆయన, ఇటీవలి కాలంలో బాక్సాఫీస్ వద్ద మంచి ఫామ్లో కొనసాగుతున్నారు. కంటెంట్కు ప్రాధాన్యం ఉన్న సినిమాలను చేయడంలో ముందుండే కిరణ్, యూత్తో పాటు ఫ్యామిలీ ఆడియన్స్లో కూడా మంచి గుర్తింపు సంపాదించుకున్నారు. ఇటీవల విడుదలైన ‘క’ (Ka), ‘కె-ర్యాంప్’ (K-Ramp) చిత్రాలు బాక్సాఫీస్ వద్ద ఆశించిన దానికంటే మెరుగైన వసూళ్లు సాధించడంతో నిర్మాతల్లో ఆయనపై నమ్మకం మరింత బలపడింది. ఒక హీరో సక్సెస్ రేటే ఆయన డిమాండ్ను నిర్ణయిస్తుందనే విషయం తెలిసిందే. ప్రస్తుతం కిరణ్ అబ్బవరం విషయంలో అదే పరిస్థితి కనిపిస్తోంది.
తాజా సమాచారం ప్రకారం, కిరణ్ అబ్బవరం తన పారితోషికాన్ని గణనీయంగా పెంచినట్లు తెలుస్తోంది. ఒక్కో సినిమాకు సుమారు ₹12 కోట్ల వరకు రెమ్యునరేషన్ డిమాండ్ చేస్తున్నారనే వార్త ఇండస్ట్రీలో చర్చనీయాంశమైంది. ఇటీవల ఓ అగ్ర నిర్మాణ సంస్థతో కుదిరిన ఒప్పందంలో కూడా ఆయనకు ఇదే స్థాయిలో పారితోషికం ఆఫర్ చేసినట్లు సమాచారం. వరుస హిట్లతో మార్కెట్ పెరిగిన నేపథ్యంలో ఈ రెమ్యునరేషన్ సహజమేనని కొంతమంది విశ్లేషకులు అభిప్రాయపడుతున్నారు. ప్రస్తుతం కిరణ్ అబ్బవరం ‘చెన్నై లవ్ స్టోరీ’ (Chennai Love Story) అనే ఆసక్తికరమైన ప్రాజెక్ట్లో నటిస్తున్నారు. ఇప్పటికే విడుదలైన అప్డేట్స్ ఈ సినిమాపై మంచి బజ్ను సృష్టించగా.. కిరణ్, మరో సక్సెస్ కోసం సిద్ధమవుతున్నారు.