Mamitha Baiju: మలయాళ బ్యూటీ మమిత బైజు ప్రస్తుతం సౌత్ ఇండియన్ మూవీ ఇండస్ట్రీలో తనకంటూ ఒక ప్రత్యేక గుర్తింపు తెచ్చుకుంటోంది. కేవలం 25 ఏళ్ల వయసులోనే వరుస సక్సెస్తో పాటు క్రేజీ ప్రాజెక్ట్స్ను తన ఖాతాలో వేసుకుంటూ యంగ్ సెన్సేషన్గా మారుతోంది. ముఖ్యంగా ‘ప్రేమలు’ సినిమాతో దేశవ్యాప్తంగా వచ్చిన గుర్తింపు ఆమె కెరీర్కు మంచి బూస్ట్ ఇచ్చినట్లు అయ్యిందని చెబుతున్నారు. ‘ప్రేమలు’ సినిమాలో మమిత బైజు పాత్రకు ప్రేక్షకుల నుంచి మంచి రెస్పాన్స్ రావడంతో పాటు ఆమె స్క్రీన్ ప్రెజెన్స్, యాక్టింగ్, కామెడీ టైమింగ్ యూత్ను విశేషంగా ఆకట్టుకున్నాయి. ఈ సినిమా సక్సెస్ తర్వాత మమితకు సౌత్ ఇండస్ట్రీ నుంచి వరుస అవకాశాలు రావడం మొదలైంది. ప్రస్తుతం ఆమె నటించిన సినిమాలు, చేయబోయే ప్రాజెక్ట్స్పై ప్రేక్షకుల్లో ఆసక్తి పెరుగుతోంది.
ఇటీవల ‘విశ్వనాథ్ అండ్ సన్స్’, ‘బెత్లెహెం కుటుంబ యూనిట్’ వంటి సూపర్ హిట్ చిత్రాలతో భాగం అయిన మమిత సక్సెస్ఫుల్ హీరోయిన్గా తన మార్క్ను మరింత పెంచుకుంటుూ ముందుకు వెళ్తోంది. ఒక్కో సినిమాతో తన నటనలో వైవిధ్యాన్ని చూపిస్తూ.. కేవలం గ్లామర్ పాత్రలకే పరిమితం కాకుండా మంచి స్టోరీలను ఎంచుకునే ప్రయత్నం చేస్తోంది. ఇక తమిళ ఇండస్ట్రీలోనూ మమితకు మంచి అవకాశాలు దక్కుతున్నాయి. స్టార్ హీరోలు విజయ్, సూర్యతో కలిసి సినిమాలు చేసి ఇప్పటికే తన క్రేజ్ను మరింత పెంచుకుంది. దీంతో తమిళంతో పాటు తెలుగు, మలయాళం ఇండస్ట్రీల్లోనూ మమితకు మార్కెట్ పెరుగుతుందనే అభిప్రాయాలు వ్యక్తమవుతున్నాయి. మరోవైపు ‘ప్రేమలు 2’ కూడా ప్రేక్షకుల ముందుకు రానుందని తెలుస్తోంది. ఫస్ట్ పార్ట్ సాధించిన గ్రాండ్ విక్టరీతో ఈ సీక్వెల్పై ఇప్పటికే భారీ అంచనాలు నెలకొన్నాయి. ఇందులో మమిత పాత్ర ఎలా ఉండబోతుందనే ఆసక్తి కూడా స్టార్ట్ అయ్యింది. వరుసగా విజయాలు, క్రేజీ కాంబినేషన్స్, వైవిధ్యమైన ప్రాజెక్ట్స్తో ముందుకు సాగుతున్న మమిత బైజు.. రాబోయే రోజుల్లో సౌత్ ఇండియన్ సినిమా ఇండస్ట్రీలో నెక్ట్స్ బిగ్ స్టార్గా ఎదిగే అవకాశాలు ఉన్నాయనే టాక్ ట్రేడ్ వర్గాల నుంచి వినిపిస్తోంది. ప్రస్తుతం ఆమె కెరీర్ జోరు చూస్తే ఈ బ్యూటీ ప్రయాణం మరింత ఆసక్తికరంగా మారేలా కనిపిస్తోందని ఇండస్ట్రీ వర్గాలు అభిప్రాయపడుతున్నాయి.