#King100: కింగ్ అక్కినేని నాగార్జున కెరీర్లో అత్యంత ప్రతిష్ఠాత్మకంగా తెరకెక్కుతున్న 100వ చిత్రం ప్రస్తుతం #King100 అనే వర్కింగ్ టైటిల్తో చిత్రీకరణ జరుపుకుంటోంది. డైరెక్టర్ రా కార్తీక్ ఈ సినిమాను తెరకెక్కిస్తున్నట్లు సమాచారం. ఈ సినిమాను అన్నపూర్ణ స్టూడియోస్ అత్యంత భారీ స్థాయిలో నిర్మిస్తోందట. నాగార్జున మైలురాయి చిత్రంగా వస్తుండటంతో ఈ ప్రాజెక్ట్పై ఇప్పటికే సినీ వర్గాలతో పాటు అభిమానుల్లోనూ భారీ అంచనాలు నెలకొన్నాయి.
తాజా సమాచారం ప్రకారం.. ఈ సినిమా షూటింగ్ ప్రస్తుతం శరవేగంగా కొనసాగుతోంది. యాక్షన్, ఎమోషన్స్, ఫ్యామిలీ డ్రామా అంశాలను సమపాళ్లలో మేళవిస్తూ కథను తెరకెక్కిస్తున్నట్లు తెలుస్తోంది. అలాగే ఈ చిత్రంలో ప్రముఖ నటి టబు కీలక పాత్రలో కనిపించనున్నారని ప్రచారం జరుగుతోంది. గతంలో నాగార్జున-టబు కాంబినేషన్కు ప్రేక్షకుల నుంచి మంచి ఆదరణ లభించిన నేపథ్యంలో ఈ వార్త అభిమానుల్లో మరింత ఆసక్తిని పెంచుతోంది. ఇదిలా ఉంటే నాగార్జున పుట్టినరోజు సందర్భంగా ఆగస్టు 29న ఈ చిత్రానికి సంబంధించిన అధికారిక టైటిల్ టీజర్ లేదా ప్రత్యేక ప్రమోషనల్ గ్లింప్స్ను విడుదల చేసే అవకాశం ఉన్నట్లు సినీ వర్గాల్లో జోరుగా చర్చ సాగుతోంది. ఇదే నిజమైతే నాగార్జున 100వ సినిమా ప్రమోషన్స్కు అదే గ్రాండ్ స్టార్ట్ కానుంది. అయితే చిత్ర బృందం నుంచి ఇప్పటివరకు దీనిపై ఎలాంటి అధికారిక ప్రకటన బయటికి రాలేదు. నాగ్ కెరీర్లో మరో గుర్తుండిపోయే చిత్రంగా #King100 నిలుస్తుందా లేదా అనేది చూడాలి.