NBK111: నటసింహం నందమూరి బాలకృష్ణ హీరోగా తెరకెక్కుతున్న ప్రతిష్ఠాత్మక చిత్రం NBK111. తాజాగా ఈ సినిమాపై ఒక ఆసక్తికర అప్డేట్ సోషల్ మీడియాలో వైరల్ అవుతోంది. ప్రస్తుతం ఈ సినిమా షూటింగ్ హైదరాబాద్లో శరవేగంగా జరుగుతున్నట్లు సమాచారం. డైరెక్టర్ గోపిచంద్ మలినేని తెరకెక్కిస్తున్న ఈ భారీ యాక్షన్ ఎంటర్టైనర్పై ఇప్పటికే బాలయ్య అభిమానుల్లో భారీ అంచనాలు ఉన్నాయి. తాజా సమాచారం ప్రకారం ఈ సినిమాలో బాలీవుడ్ స్టార్ యాక్టర్ సంజయ్ దత్ కీలక పాత్రలో కనిపించనున్నట్లు తెలుస్తోంది. ఇటీవల దక్షిణాది చిత్రాల్లో వరుసగా నటిస్తున్న సంజయ్ దత్, NBK111లో కూడా ఒక పవర్ఫుల్ రోల్లో కనిపించబోతున్నారనే టాక్ వినిపిస్తోంది.
మరోవైపు స్టార్ హీరోయిన్ కాజల్ అగర్వాల్ ఈ సినిమాలో హీరోయిన్గా నటిస్తుండగా, మంచు మనోజ్ ఒక కీ రోల్లో కనిపించనున్నారు. ఇండస్ట్రీ వర్గాల సమాచారం ప్రకారం.. ఈ సినిమా రిలీజ్ తేదీ విషయంలో ఒక కీలక మార్పు జరిగే అవకాశమున్నట్లు ప్రచారం సాగుతోంది. ముందుగా ఈ చిత్రాన్ని దసరా కానుకగా ప్రేక్షకుల ముందుకు తీసుకురావాలని మేకర్స్ భావించినప్పటికీ, తాజా సమాచారం ప్రకారం రిలీజ్ను డిసెంబర్కు వాయిదా వేయాలని నిర్ణయించినట్లు టాక్ వినిపిస్తోంది. షూటింగ్, పోస్ట్ ప్రొడక్షన్ పనులకు మరింత సమయం కేటాయించాలనే ఉద్దేశంతో ఈ నిర్ణయం తీసుకున్నట్లు సమాచారం. అయితే రిలీజ్ డేట్ మార్పుపై, సంజయ్ దత్ రోల్ గురించి గానీ ఇప్పటివరకు చిత్రబృందం నుంచి ఎలాంటి అధికారిక ప్రకటన రాలేదు. త్వరలోనే కొత్త విడుదల తేదీతో పాటు సినిమాకు సంబంధించిన మరిన్ని వివరాలను మేకర్స్ అధికారికంగా ప్రకటించే అవకాశం ఉందని ఇండస్ట్రీ వర్గాలు చెబుతున్నాయి.