RAPO23: టాలీవుడ్ యువ హీరో, ఎనర్జిటిక్ స్టార్ రామ్ పోతినేని సరికొత్త ప్రాజెక్ట్కు శ్రీకారం చుట్టారు. ఆయన స్వీయదర్శకత్వంలో తెరకెక్కనున్న 23వ చిత్రం (#RAPO23) నేడు అత్యంత ఘనంగా ప్రారంభమైంది. హైదరాబాద్ శివార్లలోని మొయినాబాద్ సమీపంలో గల ఒక ప్రైవేట్ ఫార్మ్హౌస్లో ఈ సినిమా పూజా కార్యక్రమాలను చిత్ర యూనిట్ సభ్యులు, కొద్దిమంది ప్రముఖుల సమక్షంలో శాస్త్రోక్తంగా నిర్వహించారు.
ఈ చిత్రానికి సంబంధించిన ముహూర్తపు షాట్కు చిత్ర బృందం క్లాప్ కొట్టి, స్క్రిప్ట్ను పూజా నివేదన చేశారు. వైవిధ్యమైన స్టోరీలతో దూసుకుపోతున్న రామ్ పోతినేని, ఈ సినిమాతో ప్రేక్షకులకు సరికొత్త అనుభూతిని పంచడానికి సిద్ధమవుతున్నారు. ఈ రోజు నిర్వహించిన అధికారిక పూజా కార్యక్రమాలతో ఆయన దర్శకుడిగా తన సినీ ప్రయాణాన్ని అత్యంత ఉత్సాహంగా ప్రారంభించారు. ఈ చిత్రంలో రామ్ పోతినేని గత సినిమాలకు భిన్నమైన సరికొత్త లుక్లో కనిపించనున్నట్లు సమాచారం. కమర్షియల్ ఎలిమెంట్స్తో పాటు బలమైన స్టోరీతో ఈ సినిమా స్క్రిప్ట్ రెడీ చేసినట్లు సమాచారం. ఈ చిత్రం త్వరలోనే రెగ్యులర్ షూటింగ్కు వెళ్లనుంది. ఈ భారీ ప్రాజెక్ట్లో నటించబోయే ఇతర నటీనటులు, సాంకేతిక నిపుణులు సంబంధించిన పూర్తి వివరాలను మేకర్స్ త్వరలోనే అధికారికంగా వెల్లడించనున్నారు. ఈ క్రేజీ ప్రాజెక్ట్ ప్రారంభం కావడంతో అటు రామ్ అభిమానుల్లోనూ, ఇటు టాలీవుడ్ వర్గాల్లోనూ ఈ సినిమాపై భారీ అంచనాలు నెలకొన్నాయి.