Siddu Jonnalagadda: టాలీవుడ్ యువ హీరో సిద్దు జొన్నలగడ్డ వరుస చిత్రాలతో ప్రేక్షకుల్లో మంచి గుర్తింపు సంపాదించుకున్నారు. ప్రస్తుతం ఆయన నటిస్తున్న కొత్త సినిమా గురించి ఒక ఆసక్తికరమైన సమాచారం సినీ వర్గాల్లో చక్కర్లు కొడుతోంది. ఎలాంటి ప్రకటనలు లేకుండానే ఈ చిత్రం షూటింగ్ శరవేగంగా కొనసాగుతుందని, దీనిని వచ్చే ఏడాది సంక్రాంతి బరిలోకి తీసుకురావాలనే లక్ష్యంతో చిత్రబృందం పనులు వేగవంతం చేసినట్లు తెలుస్తోంది.
తాజా సమాచారం ప్రకారం.. ఈ సినిమా కొత్త షెడ్యూల్ను ఆంధ్రప్రదేశ్లోని కాకినాడలో విజయవంతంగా పూర్తి చేసినట్లు టాక్ వినిపిస్తోంది. కీలక సన్నివేశాలతో పాటు కొన్ని యాక్షన్, ఎమోషనల్ ఎపిసోడ్స్ను ఈ షెడ్యూల్లో చిత్రీకరించినట్లు సినీ వర్గాల్లో ప్రచారం జరుగుతోంది. తదుపరి షెడ్యూల్ను త్వరలోనే ప్రారంభించేందుకు మేకర్స్ సన్నాహాలు చేస్తున్నట్లు సమాచారం. సంక్రాంతి సీజన్ టాలీవుడ్కు ఎంతో కీలకమైనది. ప్రతి ఏడాది స్టార్ హీరోల సినిమాలు ఈ పండుగ సందర్భంగా విడుదలై బాక్సాఫీస్ వద్ద పోటీ పడుతుంటాయి. అలాంటి ప్రతిష్ఠాత్మక సీజన్ను టార్గెట్ చేస్తూ సిద్దు జొన్నలగడ్డ కూడా తన కొత్త చిత్రాన్ని ప్రేక్షకుల ముందుకు తీసుకురావాలని భావిస్తున్నట్లు ఇండస్ట్రీ వర్గాల్లో చర్చ సాగుతోంది. అయితే ఈ సినిమా విడుదల తేదీపై గానీ, టైటిల్పై గానీ చిత్రబృందం ఇప్పటివరకు అధికారిక ప్రకటన చేయలేదు. గతంలో బొమ్మరిల్లు భాస్కర్ డైరెక్షన్లో ఆయన హీరోగా నటించిన జాక్ సినిమా ప్రేక్షకులను అలరించడంలో విఫలమైంది. ఈ నేపథ్యంలో ఆయన తన కొత్త సినిమా విషయంలో చాలా జాగ్రత్తలు తీసుకుంటున్నట్లు తెలుస్తోంది.