Silk Smitha: తెలుగు చిత్ర పరిశ్రమలో తనకంటూ ప్రత్యేక గుర్తింపు తెచ్చుకున్న నటి సిల్క్ స్మిత. ఇప్పటి ఈ నటి జీవితం ఎంతోమందికి ఆసక్తిని కలిగించే అంశమే. ఆంధ్రప్రదేశ్లోని ఏలూరులో జన్మించిన విజయలక్ష్మి.. సినిమాల్లోకి వచ్చిన తర్వాత సిల్క్ స్మితగా మారి తెలుగు, తమిళ, మలయాళ చిత్ర పరిశ్రమల్లో అగ్రస్థాయి నటిగా ఎదిగారు. తన గ్లామర్, ప్రత్యేకమైన డ్యాన్స్ స్టైల్తో సిల్క్ స్మితకు భారీగా అభిమానులు ఏర్పడ్డారు. ముఖ్యంగా తమిళనాడులో ఆమెకు విపరీతమైన క్రేజ్ ఉండేది. ఆమె నటించిన పాటల కోసం ప్రత్యేకంగా సినిమాలకు వచ్చే ప్రేక్షకులు కూడా ఉండేవారు. కొన్ని సందర్భాల్లో ఆమె పాటలను జోడించడం వల్ల సినిమాలకు మంచి బిజినెస్ జరిగిన సందర్భాలు కూడా ఉన్నాయని సినీ వర్గాలు చెబుతుంటాయి.
అయితే వెండితెరపై ఎంతో విజయాన్ని అందుకున్నప్పటికీ, వ్యక్తిగత జీవితంలో ఎదురైన సమస్యలు ఆమెను తీవ్రంగా ప్రభావితం చేశాయి. 1996లో సిల్క్ స్మిత జీవితం విషాదాంతంగా ముగిసింది. ఆమె మరణానికి ముందు రాసినట్లు చెప్పబడుతున్న ఓ లేఖ అప్పట్లో పెద్ద చర్చకు దారి తీసింది. తాజాగా సోషల్ మీడియాలో ఓ యూజర్ ఆ లేఖను మళ్లీ షేర్ చేయడంతో అది ఇప్పుడు మరోసారి వైరల్గా మారింది. ఆ లేఖలో సిల్క్ స్మిత తన జీవితంలో ఎదుర్కొన్న ఒంటరితనం, నమ్మిన వ్యక్తుల నుంచి ఎదురైన నిరాశ, మానసిక వేదన గురించి ప్రస్తావించినట్లు తెలుస్తోంది. తన కష్టంతో ఎంతో సాధించినప్పటికీ జీవితంలో ప్రశాంతత దక్కలేదని, తనను ప్రేమగా చూసుకున్న కొద్దిమందిపై ఉన్న అభిమానాన్ని కూడా ఆమె ఆ లేఖలో వ్యక్తం చేసినట్లు ప్రచారం జరుగుతోంది. సినీ రంగంలో ఒక వెలుగు వెలిగిన సిల్క్ స్మిత జీవితం.. విజయాలు, కష్టాలు, భావోద్వేగాలతో కూడిన ఓ విషాద గాథగా మిగిలిపోయింది. ఆమె మరణించి ఎన్నో సంవత్సరాలు గడిచినా, ఆమె సినిమాలు, పాటలు, వ్యక్తిత్వం ఇప్పటికీ అభిమానుల జ్ఞాపకాల్లో నిలిచే ఉన్నాయి.