OTT Release: టాలీవుడ్లో సెన్సేషనల్ డైరెక్టర్గా తనకంటూ ఒక బ్రాండ్ క్రియేట్ చేసుకున్న సందీప్ రెడ్డి వంగా బ్యాకింగ్తో వచ్చిన యూత్ఫుల్ రొమాంటిక్ కామెడీ ఎంటర్టైనర్ ‘రోమాంచకం’పై టాలీవుడ్ వర్గాల్లో పెద్ద చర్చే నడిచింది. సందీప్ స్వయంగా సమర్పకుడిగా వ్యవహరించి, తన బ్రదర్ ప్రణయ్ రెడ్డి వంగాతో కలిసి భద్రకాళి పిక్చర్స్ బ్యానర్పై దీనిని నిర్మించడంతో వెండితెరపై భారీ అంచనాలు నెలకొన్నాయి. అయితే థియేటర్ల వద్ద ఈ చిత్రం బాక్సాఫీస్ లెక్కలను అందుకోవడంలో తీవ్రంగా తడబడింది. ఇప్పుడు ఈ చిత్రం సరికొత్త వ్యూహంతో డిజిటల్ ప్లాట్ఫామ్పైకి దూసుకొస్తోంది. ప్రముఖ గ్లోబల్ ఓటీటీ దిగ్గజం నెట్ఫ్లిక్స్ ఈ సినిమా డిజిటల్ రైట్స్ను చేజిక్కించుకోగా, అక్టోబర్ 1, 2026 నుంచి ‘రోమాంచకం’ స్ట్రీమింగ్ కానున్నట్లు అధికారికంగా ప్రకటించింది.
నెట్ఫ్లిక్స్ దీనిని కేవలం తెలుగుకే పరిమితం చేయకుండా ఇతర భాషల్లోనూ ఒకేసారి అందుబాటులోకి తీసుకొస్తుండటం విశేషం. పాన్-ఇండియా స్థాయిలో విస్తృతమైన ఆడియన్స్కు రీచ్ అయ్యేలా ఈ మల్టీ-లాంగ్వేజ్ స్ట్రాటజీని ప్లాన్ చేశారు. కొత్త దర్శకుడు వేణుగోపాల్ రెడ్డి తెరకెక్కించిన ఈ యూత్ఫుల్ డ్రామాలో ‘మేమ్ ఫేమస్’ ఫేమ్ సుమంత్ ప్రభాస్, అనంతిక సనీల్కుమార్ జంటగా నటించారు. వీరికి తోడుగా ఉపేంద్ర లిమాయే, వెంకటేష్ కాకుమాను, మణి ఏగుర్ల కీలక పాత్రల్లో కనిపించగా.. వాసుకి వైభవ్ స్వరాలు సమకూర్చారు. సందీప్ రెడ్డి వంగా బ్రాండ్ ఇమేజ్, నెట్ఫ్లిక్స్ విస్తృతి తోడైతే ‘రోమాంచకం’ ఓటీటీలో సెన్సేషన్ క్రియేట్ చేయడం ఖాయమని ఫ్యాన్స్ భావిస్తున్నారు.