Sardar 2 OTT Release: తమిళ స్టార్ హీరో కార్తీ కెరీర్‌లో బ్లాక్‌బస్టర్ హిట్‌గా నిలిచిన స్పై థ్రిల్లర్ ‘సర్దార్’. తెలుగు, తమిళ భాషల్లో ఘన విజయం సాధించడంతో, దర్శకుడు పి.ఎస్.మిత్రన్ కాంబినేషన్‌లో ప్రకటించిన సీక్వెల్ ‘సర్దార్ 2’పై స్టార్టింగ్ నుంచే భారీ హైప్ క్రియేట్ అయింది. కానీ ఆ బజ్‌ను చిత్ర యూనిట్ కొనసాగించలేకపోయింది. సరైన ప్రమోషన్లు లేకపోవడం, ఆశించిన స్థాయిలో ప్రచారం దక్కకపోవడంతో థియేటర్లలోకి వచ్చిన ఈ మూవీ బాక్సాఫీస్ వద్ద ఘోర పరాజయాన్ని మూటగట్టుకుంది.
కనీస వసూళ్లు కూడా రాబట్టలేక చతికిలపడటంతో, థియేటర్లలో రిలీజైన కేవలం మూడు వారాల వ్యవధిలోనే ఈ చిత్రాన్ని డిజిటల్ ప్లాట్‌ఫామ్‌లోకి దించేశారు మేకర్స్. ప్రముఖ ఓటీటీ దిగ్గజం ‘అమెజాన్ ప్రైమ్ వీడియో’ ఈ సినిమా డిజిటల్ రైట్స్‌ను దక్కించుకోగా, అక్టోబర్ 1 నుంచి (నేటి నుంచే) ‘సర్దార్ 2’ పాన్ ఇండియా భాషల్లో స్ట్రీమింగ్‌కు అందుబాటులోకి వచ్చేసింది.
మాళవిక మోహనన్, ఆషికా రంగనాథ్ హీరోయిన్లుగా నటించిన ఈ హై-వోల్టేజ్ స్పై డ్రామాకు సామ్ సి.ఎస్.బ్యాక్‌గ్రౌండ్ స్కోర్ సమకూర్చగా, ఐవీవై ఎంటర్‌టైన్‌మెంట్స్ పతాకంపై ఈ ప్రాజెక్ట్ తెరకెక్కింది. థియేటర్లలో మిస్సయిన సినీ ప్రియులు, యాక్షన్ థ్రిల్లర్ జోనర్‌ను ఇష్టపడే ప్రేక్షకులు ఇప్పుడు ప్రైమ్ వీడియోలో ఈ చిత్రాన్ని వీక్షించవచ్చు.