మెగా ఫ్యామిలీ నుండి మరో ప్రొడ్యూసర్ అయ్యారు. ఇప్పటికే అల్లు అరవింద్ , నాగబాబు , రామ్ చరణ్, పవన్ కళ్యాణ్ లు ఉండగా..తాజాగా చిరంజీవి పెద్ద కుమార్తె సుష్మిత ప్రొడ్యూసర్ గా మారారు.
సుస్మిత నిర్మాతగా నేడు ఓ వెబ్ సిరీస్ ప్రారంభమైంది. సుస్మిత తల్లిగారైన సురేఖ ఈ వెబ్ సిరీస్ ప్రారంభోత్సవ కార్యక్రమానికి ముఖ్య అతిథి గా హాజరయ్యారు. పూజ కార్యక్రమాలతో వెబ్ సిరీస్ షూటింగ్ ప్రారంభమైనది. ఈ వెబ్ సిరీస్ నటీనటులు మరియు సాంకేతిక నిపుణుల వివరాలు తెలియాల్సివుంది.
సుస్మిత చిరంజీవి కమ్ బ్యాక్ మూవీ ఖైదీ 150 మరియు సైరా చిత్రాలకు కాస్ట్యూమ్ డిజైనర్ గా పనిచేసిన సంగతి తెలిసిందే. ఇప్పుడు నిర్మాత గా తన అదృష్టాన్ని పరీక్షించుకోబోతుంది.