పవర్ స్టార్ పవన్ కళ్యాణ్ సినిమాల్లోకి రీ ఎంట్రీ ఇచ్చిన సంగతి తెలిసిందే. బాలీవుడ్ లో సూపర్ హిట్ అయినా పింక్ చిత్రానికి రీమేక్ గా వకీల్ సాబ్ పేరుతో తెరకెక్కుతున్న ఈ మూవీ ని వేణు శ్రీరామ్ డైరెక్ట్ చేస్తుండగా దిల్ రాజు , బోణి కపూర్ లు సంయుక్తంగా తెలుగు లో నిర్మిస్తున్నారు.
ప్రస్తుతం ఈ చిత్ర షూటింగ్ ఫైనల్ స్టేజ్ కి రాగా కరోనా వైరస్ కారణంగా షూటింగ్ లకు బ్రేకుపడింది. రీసెంట్ గా షూటింగ్ లకు అనుమతి రావడం తో షూటింగ్ కు సిద్ధం అవుతున్నారు. రామోజీ ఫిలిం సిటీ లో ఓ ప్రత్యేక సెట్ వేస్తున్నారట. ఈ సెట్ లోనే మిగిలిన షూటింగ్ ను పూర్తి చేస్తారట. అయితే చిత్ర రిలీజ్ విషయంలో దర్శక , నిర్మాతలు ఎటు తేల్చుకోలేకపోతున్నారు.
‘వకీల్ సాబ్’ ని సమ్మర్ కానుకగా రిలీజ్ చేయాలని ప్లాన్ చేసిన దర్శకనిర్మాతలు దానికి తగ్గట్టుగానే షూటింగ్ చేసుకుంటూ వచ్చారు. కానీ ఇప్పుడు కరోనా రావడం తో అంత రివర్స్ అయ్యింది. ఈ క్రమంలో దిల్ రాజు తన పవన్ కళ్యాణ్ ‘వకీల్ సాబ్’ రిలీజ్ పై కీలక నిర్ణయం తీసుకొన్నారని సమాచారం.కరోనా కారణంగా టాలీవుడ్ లో భారీ ప్రాజెక్టులు సెట్స్ పైకి వెళ్లడం లేట్ అవుతూ వస్తోంది. దీంతో మెగాస్టార్ చిరంజీవి ‘ఆచార్య’ ప్రభాస్ – రాధాకృష్ణ సినిమా రాజమౌళి ‘ఆర్.ఆర్.ఆర్’ బాలయ్య – బోయపాటి సినిమాలు సంక్రాంతి బరిలో నిలిచేలా కనిపించడం లేదు. ఈ నేపథ్యంలో ఇప్పటికే 80 శాతానికి పైగా షూటింగ్ జరుపుకున్న ‘వకీల్ సాబ్’ ని కుదిరితే సంక్రాంతి రేస్ లో నిలపాలని దిల్ రాజు ప్లాన్ చేస్తున్నారట.