అ!, కల్కి , ‘జోంబీ రెడ్డి’ సినిమాలతో తనకంటూ ప్రత్యేకమైన గుర్తింపు తెచ్చుకున్న ప్రశాంత్ వర్మ..ఇప్పుడు హను -మాన్ అంటూ పాన్ ఇండియా మూవీ తో రాబోతున్నారు. తేజ సజ్జా హీరోగా నటిస్తున్న ఈ చిత్ర ఫస్ట్ లుక్ ను రిలీజ్ చేసారు. ఫస్ట్ లుక్ పోస్టర్ లో తేజ సజ్జా దట్టమైన అడవిలో ఒక చెట్టుపై నిలబడి స్లింగ్ షాట్ తో తన టార్గెట్ ని కొట్టడానికి రెడీగా ఉండటాన్ని చూడవచ్చు. కోరమీసంతో ఉన్న తేజ గెటప్ కూడా చాలా డిఫరెంట్ గా ఉంది.
ప్రశాంత్ వర్మ అంజనాద్రి అనే కొత్త మరియు ఫాంటసీ ప్రపంచాన్ని సృష్టించినట్లు అనిపిస్తుంది. ఈ వీడియోలో తేజ సజ్జా అడవిలో పరిగెత్తడం జారిపోవడం మరియు దూకడం మరియు స్లింగ్ షాట్ ను షూట్ చేయడం కనిపిస్తుంది. స్క్రిప్ట్ విల్లే స్క్రీన్ ప్లే అందిస్తున్న ఈ చిత్రానికి దాశరధి శివేంద్ర సినిమాటోగ్రఫీ అందించనున్నారు. ఈ సినిమా షూటింగ్ ప్రస్తుతం హైదరాబాద్లో జరుగుతోంది.
