స్టార్ కాస్ట్ : బెల్లంకొండ సాయి శ్రీనివాస్, నభా నటేష్, అను ఇమ్మాన్యుయేల్, సోను సూద్ తదితరులు..
దర్శకత్వం : సంతోష్ శ్రీనివాస్
నిర్మాతలు: సుమంత్‌ మూవీస్
మ్యూజిక్ : దేవి శ్రీ
విడుదల తేది : జనవరి 14 , 2021
తెలుగు మిర్చి రేటింగ్ : 3/5
కథ :
శ్రీను( బెల్లం కొండ శ్రీనివాస్ ) ..వసుందర ( అను ఇమాన్యుల్ )ను ప్రేమిస్తాడు. కాని వసుందర మాత్రం శ్రీను ప్రేమను నిరాకరిస్తుంది. దీంతో శ్రీను ఇక అమ్మాయిలకు దూరంగా ఉండాలనుకుంటాడు. ఆ తర్వాత కౌముది ( నభనటేష్ )తో మరోసారి ప్రేమలో పడతాడు. సరిగ్గా ఆ టైం లో శ్రీను జీవితంలోకి గజా( సోనూసూద్ ) ఎంటరవుతాడు. తన ప్రేమను దక్కించుకునే క్రమంలో కౌముది తండ్రి జైపాల్ రెడ్డి (ప్రకాష్ రాజ్)తో ఓ ఒప్పందానికి రావాల్సి వస్తుంది. మరి ఆ ఒప్పందం ఏంటి..? గజా( సోనూసూద్ ) కు వసుందర కు సంబంధం ఏంటి..? చివరకు శ్రీను తన ప్రేమను ఎలా గెలుచుకున్నాడా..లేదా..? అనేది మీరు తెరపై చూడాల్సిందే.
ప్లస్ :
- కామెడీ
- దేవి శ్రీ మ్యూజిక్
- బెల్లం కొండ శ్రీను యాక్టింగ్
మైనస్ :
- రొటీన్ స్టోరీ
- సెకండాఫ్‌లోని సాగతీత సీన్లు
నటీనటుల తీరు :
- బెల్లంకొండ శ్రీను గత సినిమాలతో పోల్చుకుంటే ఈ సినిమాలో మంచి నటనను కనబరిచాడు. ముఖ్యంగా ఫైట్స్, యాక్షన్ సన్నివేశాల్లో ఆకట్టుకున్నాడు.
- హీరోయిన్ అను ఇమ్మాన్యుయేల్ మెయిన్ హీరోయిన్ కాకపోయినప్పటికీ కథలో కీలక మలుపు తిప్పే పాత్రను చేజిక్కించుకుంది.
- నాభ నటేష్ గ్లామర్ తోనే కాక యాక్టింగ్ తోను ఆకట్టుకుంది.
- సోనూ సూద్ నటన మరోసారి ప్రేక్షకులను కట్టిపడేసింది. ఈ తికమక లవ్ స్టోరీలో కమెడియన్స్ శ్రీనివాస్ రెడ్డి, సత్య, చమ్మక్ చంద్ర రోల్స్ కామెడీ పార్ట్‌ని బాగా హైలైట్ చేశాయి. ఇక వెన్నెల కిషోర్, మహేష్ విట్టా, గెటప్ శీను, మిర్చి హేమంత్ వారి వారి పాత్రల పరిధి మేరకు న్యాయం చేశారు.
సాంకేతిక వర్గం :
- దేవి శ్రీ తన పాటలు, నేపథ్య సంగీతంతో సినిమాను నిలబెట్టే ప్రయత్నం చేశాడు.
- రామ్ లక్ష్మణ్ కంపోజ్ చేసిన ఫైట్స్ కూడా చాలా బాగున్నాయి. ప్రతీ ఫైట్ క్లైమాక్స్ ఫైట్ లానే ఉంటుంది.
- ఎడిటింగ్ బాగున్నా, సెకండాఫ్‌లోని సాగతీత సీన్లను తొలగిస్తే బాగుండేది.
- సినిమాటోగ్రఫీ, నిర్మాణ విలువలు కథానుసారం బాగున్నాయి.
- డైరెక్టర్ సంతోష్ విషయానికి వస్తే..
‘కందిరీగ’ లో ఎలాగైతే కన్ఫ్యూజింగ్‌ కామెడీ చూపించి హిట్‌ కొట్టాడో.. ఈ సినిమాకు కూడా అలాంటి కామెడినే నమ్ముకున్నాడు. కథనంలో ఎక్కడా కామెడీని మిస్ కాకుండా నడిపించాడు. సినిమా చూస్తున్నంత సేపు డైరెక్టర్ సంతోష్ శ్రీనివాస్ గత సినిమా అయిన ‘కందిరీగ’ సినిమానే గుర్తుకొస్తూ ఉంటుంది. కాన్సెప్ట్‌లో కొత్తదనం లేకున్నా డిఫరెంట్ నెరేషన్‌తో సినిమా ఆసక్తి రేకెత్తించే ప్రయత్నం చేశాడు డైరెక్టర్. అలాగే సినిమాలో ఎక్కడా బలమైన కంటెంట్ లేకపోవడం సినిమా ఫలితాన్ని దెబ్బ తీసింది. ఫస్టాఫ్ అంతా కామెడీ సీన్స్ తోనే నడిపించాడు. సెకండాఫ్‌లోని సాగతీత సీన్లను తొలగిస్తే బాగుండేది.
ఫైనల్ :
పర్వాలేదు అనిపించుకున్న అల్లుడు.