బిగ్ బాస్ ఫేమ్ సోహెల్ హీరోగా రూపా కొడవాయుర్ హీరోయిన్గా మైక్ మూవీస్ బ్యానర్ మీద అప్పి రెడ్డి, రవి రెడ్డి సజ్జల, వెంకట్ అన్నపరెడ్డి నిర్మిస్తోన్న చిత్రం ‘మిస్టర్ ప్రెగ్నెంట్’. శ్రీనివాస్ వింజనంపాటి దర్శకత్వం వహిస్తున్నారు. ఇప్పటికే ఈ చిత్రం నుంచి రిలీజ్ చేసిన టీజర్, పాటలకు సోషల్ మీడియాలో సూపర్బ్ రెస్పాన్స్ వచ్చాయి. తాజాగా ఈ సినిమా నుండి ‘హే చెలి..’ అనే ఆహ్లాదకరమైన మెలోడీ వీడియో సాంగ్ను విడుదల చేశారు మేకర్స్.
ఇక ఈ పాటను వింటుంటే చల్లటి చిరుగాలి మనసుని తాకినట్లుగా ఉంటుంది. “హే చెలి.. అడిగాను కౌగిలి.. తీయగా తీరాలి ఈ చలి..” అంటూ ప్రేమికుడు తన మనసులోని ప్రేమను ప్రేయసికి చెబుతూనే ఆమెను కొంటెగా కవ్విస్తున్నారు. అసలు ఈ ప్రేమికులు ఎవరు? వారేం చేశారనే విషయాలు తెలియాలంటే ‘మిస్టర్ ప్రెగ్నెంట్’ సినిమా చూడాల్సిందేనంటున్నారు దర్శక నిర్మాతలు. విజువల్స్ ఆ ట్యూన్ కు అనుగుణంగా అద్భుతంగా ఉన్నాయి. శ్రవణ్ భరద్వాజ్ సంగీతం అందిస్తోన్న ఈ సినిమాలోని పాటను శ్రీమణి రాశారు.
ప్రస్తుతం పోస్ట్ప్రొడక్షన్ కార్యక్రమాలు జరుపుకుంటోన్న ఈ మూవీ ఆగస్ట్ 18న ప్రేక్షకుల ముందుకు రాబోతోంది. ఈ సినిమాలో సుహాసిని, రాజా రవీంద్ర, బ్రహ్మాజీ, అలీ, హర్ష తదితరులు నటిస్తున్నారు.
