Klin Kaara: మెగా పవర్స్టార్ రామ్ చరణ్ – ఉపాసన కొణిదెల దంపతుల ముద్దుల కుమార్తె, మెగా ప్రిన్సెస్ ‘క్లీంకార కొణిదెల’ నేడు (జూన్ 20) మూడో పుట్టినరోజు జరుపుకుంటోంది. ఈ స్పెషల్ డే సందర్భంగా ఉపాసన కొణిదెల సోషల్ మీడియా వేదికగా అభిమానులకు ఒక బ్యూటిఫుల్ సర్ప్రైజ్ ఇచ్చారు. రామ్ చరణ్ – ఉపాసనలతో కలిసి క్లీంకార ఉన్న ఒక క్యూట్ అండ్ లవ్లీ ఫోటోను ఆమె షేర్ చేశారు.
సాధారణంగా క్లీంకార ముఖం స్పష్టంగా కనిపించేలా ఫోటోలను మెగా ఫ్యామిలీ చాలా అరుదుగా షేర్ చేస్తుంటుంది. అయితే నేడు క్లీంకార మూడో పుట్టినరోజు సందర్భంగా చరణ్ – ఉపాసనలు తమ చిన్నారిని ఎంతో అపురూపంగా ఎత్తుకుని ఉన్న ఈ ఫోటోను పంచుకోవడంతో మెగా అభిమానులు ఫుల్ ఖుషీ అవుతున్నారు. ప్రస్తుతం ఈ లవ్లీ ఫ్యామిలీ పిక్ సోషల్ మీడియా ప్లాట్ఫామ్స్లో తెగ వైరల్ అవుతోంది. క్లీంకార బర్త్డే పిక్ చూసిన మెగా అభిమానులు సోషల్ మీడియా వేదికగా ఈ లిటిల్ ప్రిన్సెస్కు జన్మదిన శుభాకాంక్షలు తెలియజేస్తున్నారు. పెళ్లయిన 11 ఏళ్ల తర్వాత రామ్ చరణ్ – ఉపాసన దంపతులకు 2023 జూన్ 20న క్లీంకార జన్మించిన సంగతి తెలిసిందే. లలితా సహస్రనామం నుంచి తీసుకున్న ఈ పేరుకు ‘ఆధ్యాత్మిక చైతన్యాన్ని రగిల్చే పవిత్రమైన శక్తి’ అనే అర్థం వస్తుంది.
