Lover Reveal : ప్రభాస్తో “ఆదిపురుష్” సినిమాలో హీరోయిన్గా నటించిన బాలీవుడ్ బ్యూటీ కృతి సనన్ ఇప్పుడు మరోసారి వార్తల్లోకెక్కింది. ఈసారి మాత్రం తన సినిమాలతో కాదు… వ్యక్తిగత జీవితం, ప్రేమ విషయాలతో. ఇప్పటికే పలుమార్లు ప్రభాస్తో డేటింగ్ చేస్తున్నారని రూమర్లు వచ్చినా… అవన్నీ ఫేక్ అని స్వయంగా క్లారిటీ ఇచ్చిన కృతి, ఇప్పుడు మాత్రం నిజంగా ప్రేమలో ఉన్నట్లే కనిపిస్తోంది. ఎందుకంటే ఆమె ఇటీవల కబీర్ బహియా అనే వ్యక్తితో తరచూ కనిపిస్తోంది. ఇద్దరూ కలిసి రెగ్యులర్గా ఔటింగ్స్కి వెళ్లడం, పబ్లిక్ ప్లేసుల్లో కనిపించడం బాలీవుడ్ వర్గాల్లో చర్చనీయాంశంగా మారింది.
తాజాగా వీరిద్దరూ ఇంగ్లండ్ ట్రిప్కి వెళ్లారు. లార్డ్స్ మైదానంలో జరిగిన టీమిండియా vs ఇంగ్లండ్ మ్యాచ్కి జంటగా హాజరయ్యారు. అక్కడ తీసిన ఫొటోలు ఇప్పుడు సోషల్ మీడియాలో హల్చల్ చేస్తూ, వీరి రిలేషన్షిప్ను పక్కాగా ధృవీకరిస్తున్నట్టు ఫ్యాన్స్ భావిస్తున్నారు. ఇప్పటివరకు కృతి తనపై వచ్చే ప్రతి గాసిప్కి వెంటనే స్పందిస్తూ క్లారిటీ ఇచ్చేది. కానీ ఈసారి మాత్రం మౌనాన్ని పాటిస్తూ, తన ప్రేమాయణాన్ని సూచించేలా నడుచుకుంటోంది. ఈ అభినेत्री ప్రస్తుతం రెండు సినిమాలతో బిజీగా ఉన్నప్పటికీ, సమయం దొరికినప్పుడల్లా కబీర్తో గడిపేందుకు కష్టపడుతోంది. ఇన్ని హింట్స్ ఇచ్చాక… “కృతి సనన్ తన ప్రేమను కన్ఫర్మ్ చేసినట్టే కదా?” అని అభిమానులు తేల్చేస్తున్నారు!
