Toxic: స్టార్ హీరో యష్ నటించిన మోస్ట్ అవైటెడ్ మూవీ ‘టాక్సిక్’ ఈ నెల 26న బుధవారం ప్రేక్షకుల ముందుకు రానుంది. భారీ బడ్జెట్తో తెరకెక్కిన ఈ సినిమాపై ఇప్పటికే దేశవ్యాప్తంగా భారీ అంచనాలు నెలకొన్నాయి. తాజాగా ఈ రిలీజ్ డేట్ సినిమాకు ఎంతగా కలిసొచ్చే అవకాశం ఉందనే చర్చ సోషల్ మీడియాలో జోరుగా సాగుతోంది. ఆగస్టు 26 బుధవారం రోజున ‘టాక్సిక్’ విడుదల కానుంది. అదే సమయంలో కొన్ని ప్రాంతాల్లో **ఓనం, ఈద్-ఎ-మిలాద్-ఉన్-నబీ** వంటి సెలవులు ఉండటంతో తొలి రోజే భారీ వసూళ్లు సాధించే అవకాశం ఉందని ట్రేడ్ వర్గాల అంచనా. సాధారణ వర్కింగ్ డే కంటే హాలిడే అడ్వాంటేజ్ సినిమాకు మరింతగా కలిసొచ్చే అవకాశం ఉందని చెబుతున్నారు.
ఇక సినిమా విడుదలైన తర్వాత గురువారం కలెక్షన్లు కొంత తగ్గినా.. ఆ తర్వాత ఆగస్టు 28న రక్షాబంధన్ సెలవు రావడం మరో ప్లస్ పాయింట్గా మారనుందని చెబుతున్నారు. దీనికి శనివారం, ఆదివారం వీకెండ్ కూడా తోడవడంతో ‘టాక్సిక్’కు వరుసగా బలమైన కలెక్షన్ డేస్ లభించే అవకాశం ఉందని అభిమానులు భావిస్తున్నారు. ముఖ్యంగా సినిమాకు పాజిటివ్ టాక్ వస్తే ఈ ఐదు రోజుల ఎక్స్టెండెడ్ వీకెండ్ ‘టాక్సిక్’ బాక్సాఫీస్ రన్ను పూర్తిగా మార్చేయొచ్చని విశ్లేషణలు వినిపిస్తున్నాయి. ఈ నేపథ్యంలో కేవలం ఐదు రోజుల్లోనే ప్రపంచవ్యాప్తంగా రూ.600-700 కోట్ల గ్రాస్ సాధించే అవకాశం ఉందంటూ సోషల్ మీడియాలో అంచనాలు వైరల్ అవుతున్నాయి. అయితే ఇవన్నీ ప్రస్తుతం వినిపిస్తున్న ట్రేడ్ అంచనాలు, అభిమానుల లెక్కలు మాత్రమే. సినిమాకు వచ్చే ప్రేక్షకుల స్పందన, రివ్యూలు, ఆక్యుపెన్సీ, టికెట్ ధరలు వంటి అంశాలపై వసూళ్లు ఆధారపడి ఉంటాయని ట్రేడ్ వర్గాలు పేర్కొంటున్నాయి. మొత్తంగా చూస్తే.. హాలిడేస్, వీకెండ్ కలిసిరావడంతో ‘టాక్సిక్’కు రిలీజ్ డేట్ మాత్రం భారీ బాక్సాఫీస్ అడ్వాంటేజ్గా మారే అవకాశాలు కనిపిస్తున్నాయి.
