Ravi Teja: ‘ఇరుముడి’ ఘనవిజయంతో మాస్ మహారాజా రవితేజ బాక్సాఫీస్ వద్ద మళ్లీ ఫుల్ స్వింగ్‌లోకి వచ్చేశారు. ఈ సినిమా సక్సెస్ ఇచ్చిన జోరుతో ఏమాత్రం ఆలస్యం చేయకుండా తన నెక్స్ట్ ప్రాజెక్ట్‌ను పట్టాలెక్కించేందుకు రంగం సిద్ధం చేసుకుంటున్నారు. టాలెంటెడ్ డైరెక్టర్ వివేక్ ఆత్రేయతో రవితేజ చేతులు కలుపుతున్న సంగతి తెలిసిందే. అయితే ఈ కాంబినేషన్ అనౌన్స్‌మెంట్ నుంచే ఇండస్ట్రీలో ఒకటే ఆసక్తి నెలకొంది.. అసలు వీరిద్దరూ ఎలాంటి కథతో రాబోతున్నారు. తాజా సమాచారం ప్రకారం, రవితేజ తన కెరీర్‌లోనే మునుపెన్నడూ చూడని సరికొత్త జానర్‌లోకి అడుగుపెట్టబోతున్నారు.
సాధారణంగా రవితేజ మార్క్ ఎనర్జీ, మాస్ కామెడీ, యాక్షన్ ఎలిమెంట్స్‌కు భిన్నంగా.. వివేక్ ఆత్రేయ మార్క్ స్క్రీన్‌ప్లేతో కూడిన ‘హారర్’ ఎలిమెంట్స్ ఈ కథలో ప్రధాన ఆకర్షణగా నిలవనున్నట్లు గుసగుసలు వినిపిస్తున్నాయి. మాస్ మహారాజా ఎనర్జీకి హారర్ టచ్ తోడైతే థియేటర్లలో దడే అన్నది ఫిల్మ్‌నగర్ టాక్. లక్ష్మణ్, శ్రీని సంయుక్తంగా నిర్మిస్తున్న ఈ భారీ ప్రాజెక్ట్ ముహూర్తానికి ముహూర్తం కుదిరింది. ఈ దసరా పండుగ శుభవేళ పూజా కార్యక్రమాలతో సినిమాను అధికారికంగా లాంచ్ చేయాలని మేకర్స్ ప్లాన్ చేస్తున్నారు. ఇక వివేక్ ఆత్రేయ తన గత చిత్రాల తరహాలోనే ఈ సినిమాకు కూడా ‘తులాభారం’ అనే క్లాసిక్, అచ్చ తెలుగు టైటిల్ను ఖరారు చేసే ఆలోచనలో ఉన్నట్లు తెలుస్తోంది. దసరా రోజే పూజా కార్యక్రమాలతో పాటు టైటిల్ను కూడా అఫీషియల్‌గా రివీల్ చేస్తారా లేక సస్పెన్స్ మెయింటైన్ చేస్తారా అన్నది ఇప్పుడు ఆసక్తికరంగా మారింది.