Toxic OTT Deal: ‘కేజీఎఫ్’ సిరీస్‌తో దేశవ్యాప్తంగా సంచలనం సృష్టించిన రాకింగ్ స్టార్ యష్‌కు ‘టాక్సిక్’ రూపంలో ఎదురుదెబ్బ తగిలిందనే చర్చ మొదలైంది. భారీ అంచనాల మధ్య ప్రేక్షకుల ముందుకు వచ్చిన ఈ సినిమాకు మిక్సిడ్ టాక్ రావడంతో ఇప్పుడు బిజినెస్ లెక్కలపై ఆసక్తి నెలకొంది. ముఖ్యంగా విడుదలకు ముందు ఈ సినిమా ఓటీటీ రైట్స్ విలువ రూ.200 కోట్ల వరకు ఉండొచ్చంటూ జరిగిన ప్రచారం మరోసారి చర్చకు వస్తోంది. తాజా కథనాల ప్రకారం, ఆ డీల్ విలువ రూ.30 కోట్లకు తగ్గిందనే వార్తలు వినిపిస్తున్నాయి. ‘టాక్సిక్’పై మొదటి నుంచీ భారీ అంచనాలు ఏర్పడ్డాయి. ‘కేజీఎఫ్ 2’ తర్వాత యష్ హీరోగా వస్తున్న సినిమా కావడంతో ఈ ప్రాజెక్ట్‌పై ట్రేడ్ వర్గాలు ప్రత్యేక దృష్టి పెట్టాయి. ఈ నేపథ్యంలో ప్రముఖ ఓటీటీ సంస్థ జీ5 డిజిటల్ రైట్స్‌ను దక్కించుకోనుందనే ప్రచారం సాగింది. ఈ ఒప్పందం విలువ రూ.200 కోట్ల వరకు ఉండొచ్చని అప్పట్లో వార్తలు వచ్చాయి.
అయితే ఇప్పుడు రూ.30 కోట్లకు డీల్ విలువ తగ్గిందంటూ కొన్ని కథనాలు వెలువడుతున్నాయి. సినిమా విడుదల తర్వాత వచ్చిన నెగిటీవ్ రియాక్షన్ నేపథ్యంలో ఈ వార్తలు మరింత చర్చనీయాంశమయ్యాయి. అయితే రూ.200 కోట్ల ఒప్పందం నిజంగా కుదిరిందా? రూ.30 కోట్లకు తగ్గిందనే సమాచారం వాస్తవమేనా? అనే అంశాలపై ఇప్పటివరకు అధికారిక స్పష్టత లేదు. ‘కేజీఎఫ్’ సినిమాలతో యష్‌కు దేశవ్యాప్తంగా భారీ మార్కెట్ ఏర్పడింది. అందుకే ఆయన తదుపరి ప్రాజెక్ట్‌గా వచ్చిన ‘టాక్సిక్’పై అభిమానులు, సినీ పరిశ్రమ భారీ ఆశలు పెట్టుకున్నారు. అయితే సినిమాకు వచ్చిన టాక్ నేపథ్యంలో పెట్టుబడులు, డిజిటల్ హక్కులు, ఇతర బిజినెస్ లెక్కలపై చర్చ జరుగుతోంది. సాధారణంగా సినిమా ఫలితం ఓటీటీ ఒప్పందాలపై ప్రభావం చూపే అవకాశం ఉన్నప్పటికీ, డిజిటల్ హక్కుల విలువను నిర్ణయించడంలో ఇతర అంశాలు కూడా కీలకంగా ఉంటాయని అంటున్నారు. ‘టాక్సిక్’ ఓటీటీ హక్కులు జీ5కు ఖరారయ్యాయా? ఒప్పందం విలువ ఎంత? రూ.200 కోట్ల నుంచి రూ.30 కోట్లకు తగ్గిందనే వార్తల్లో నిజమెంత? అనే ప్రశ్నలకు చిత్రబృందం నుంచి అధికారిక ప్రకటన రావాల్సి ఉంది.