అల వైకుంఠపురం లో చిత్రం తో బ్లాక్ బస్టర్ హిట్ అందుకున్న స్టైలిష్ స్టార్ అల్లు అర్జున్. ప్రస్తుతం సుకుమార్ డైరెక్షన్లో పుష్ప మూవీ చేస్తున్నాడు. మైత్రి మూవీ మేకర్స్ నిర్మాణంలో రష్మిక హీరోయిన్ గా ఈ మూవీ తెరకెక్కుతుంది. దేవి శ్రీ మ్యూజిక్ అందిస్తున్నారు. ప్రస్తుతం షూటింగ్ లకు అనుమతులు రావడం తో త్వరలోనే సినిమాను సెట్స్ పైకి తీసుకెళ్లాలని ప్లాన్ చేస్తున్నారు.
ఈ చిత్రం నుండి తమిళ్ హీరో విజయ్ తప్పుకున్న సంగతి తెలిసిందే. దీనికి కారణాలు అంటూ అనేక వార్తలు ప్రచారం జరుగగా..తాజాగా తాను సినిమా నుండి తప్పుకోవడానికి అసలు కారణం ఇదే అని విజయ్ క్లారిటీ ఇచ్చారు. ఓ ఇంటర్వ్యూలో విజయ్ సేతుపతి మాట్లాడుతూ తేదీలు సర్దుబాటు కాకపోవడంతో తాను ‘పుష్ప’ సినిమా నుంచి తప్పుకున్నానని చెప్పారు.
డైరెక్టర్ సుకుమార్ను తాను స్వయంగా కలిసి తేదీల విషయాన్ని వివరించానని విజయ్ వెల్లడించారు. తనకు ఈ సినిమాలో చేయాలని ఉన్నప్పటికీ షూటింగ్ మొదలయ్యాక తనకు తేదీలు కుదరక ఎలాంటి ఇబ్బందులు కలగకుండా ఉండేందుకే ఈ నిర్ణయం తీసుకున్నానని చెప్పారు.
