Achuthanandan : మలయాళ స్టార్ హీరో మమ్మూటికి ఒకప్పుడు కోకాకోలా నుండి వచ్చిన భారీ ఆఫర్ సౌత్ ఫిల్మ్ ఇండస్ట్రీలో హాట్ టాపిక్ అయింది. సుమారు ₹2 కోట్ల రూపాయల విలువ చేసే ఆ ప్రకటన ఒప్పందం మమ్మూటి సంతకం చేయబోతున్న సమయంలో, కేరళ మాజీ ముఖ్యమంత్రి మరియు ప్రముఖ నాయకుడు VS అచ్యుతానందన్ ఒక అల్టిమేటం ఇవ్వడంతో పరిస్థితి మారిపోయింది.
అప్పట్లో కోకాకోలా కంపెనీపై కేరళలో పెద్ద ఎత్తున ఆందోళనలు జరిగాయి. ప్లాచిమడలోని బాటిలింగ్ ప్లాంట్ కారణంగా నీటి సమస్యలు, పర్యావరణ నష్టం జరిగినట్లు ఆరోపణలు వచ్చాయి. ఈ క్రమంలో మమ్మూటి కోకాకోలా ప్రకటనలో నటిస్తే ప్రజల భావోద్వేగాలను దెబ్బతీస్తుందని అచ్యుతానందన్ స్పష్టంగా హెచ్చరించాడు. “మమ్మూటి రెండు వైపులా ఉండలేడు – ప్రజా ప్రయోజనాల కోసం పోరాటం చేస్తూనే కోకాకోలా ప్రచారం చేయడం సరైంది కాదు” అంటూ ఆయన కఠిన వ్యాఖ్యలు చేశారు.
ఈ వ్యాఖ్యలతో మమ్మూటి మీద ఒత్తిడి పెరిగింది. అభిమానులు, సోషల్ వర్గాలు కూడా ఆగ్రహం వ్యక్తం చేయడంతో మమ్మూటి చివరికి తన డీల్ను వెనక్కి తీసుకున్నాడు. “ప్రజల మనసుకు వ్యతిరేకంగా నేను ఏ పనీ చేయను” అని మమ్మూటి ప్రకటించారని ఆ సమయంలో వార్తలు వచ్చాయి.
ఇండస్ట్రీలో ఎక్కువ మంది నటులు బ్రాండ్ ఎండార్స్మెంట్ కోసం కోట్ల రూపాయలు వసూలు చేస్తుంటే, మమ్మూటి మాత్రం ప్రజా ప్రయోజనాల కోసం తన పెద్ద ఆఫర్ను వదులుకోవడం గొప్ప నిర్ణయంగా చెప్పబడుతోంది. కేరళలో ఈ సంఘటన అప్పట్లో పెద్ద హాట్ టాపిక్గా మారింది.
