డైనమిక్ హీరో విశ్వక్ సేన్ తొలి పాన్ ఇండియా చిత్రం ‘దాస్ కా ధమ్కీ’ ఈ నెల 22న ప్రపంచవ్యాప్తంగా గ్రాండ్ రిలీజ్ కు సిద్ధంగా ఉంది. రిలీజ్ డేట్ ఎంతో దూరంలో లేకపోవడంతో మేకర్స్ మూవీని జోరుగా ప్రమోట్ చేస్తున్నారు. ఈ క్రమంలో మార్చి 17 న ఈ మూవీ యొక్క ప్రీ రిలీజ్ ఈవెంట్ ను గ్రాండ్ గా నిర్వహిస్తున్నట్లు చిత్ర యూనిట్ అధికారకంగా తెలిపింది. ఇక ఈ ఈవెంట్ కి గ్లోబల్ స్టార్ ఎన్టీఆర్ గెస్ట్ గా వస్తున్నారని ఈ మూవీ ట్రైలర్ లాంచ్ సందర్భంగా విశ్వక్ సేన్ చెప్పిన సంగతి తెలిసిందే.
అయితే ఇప్పుడు మేకర్స్ ఇది కన్ఫర్మ్ చేస్తూ ట్విట్టర్ లో పోస్ట్ చేసారు. ‘దాస్ కా ధమ్కీ’ ప్రీ రిలీజ్ ఈవెంట్ మార్చి 17 న సాయంత్రం 6 గంటలకు హైదరాబాద్ లోని శిల్పకళావేదికలో నిర్వహిస్తున్నామని.. ఇక మాస్ అమ్మ మొగుడు ‘ఎన్టీఆర్’ ఈ ఈవెంట్ కి గెస్ట్ గా వస్తున్నారని తెలిపారు. ఇకపోతే విశ్వక్ ఎన్టీఆర్ కి హార్డ్ కోర్ ఫ్యాన్ అని తెలిసిందే.
తెలుగు, తమిళం, మలయాళం, హిందీ భాషల్లో విడుదల కానున్న ఈ సినిమాలో విశ్వక్ కి జోడిగా నివేదా పేతురాజ్ నటించగా.. రావు రమేష్, హైపర్ ఆది, రోహిణి, పృథ్వీరాజ్ ప్రముఖ పాత్రల్లో నటించారు.
