Kajal Aggarwal: స్టార్ హీరోయిన్ కాజల్ అగర్వాల్ తాజాగా తన కెరీర్లో ఎదురైన ఓ షాకింగ్ ఘటనను వెల్లడించారు. ఓ సినిమా షూటింగ్ సమయంలో జరిగిన ఈ సంఘటన గురించి ఆమె చేసిన కామెంట్స్ ప్రస్తుతం సోషల్ మీడియాలో వైరల్ అవుతున్నాయి. ఈ సందర్భంగా ఒక ఇంటర్వ్యూలో కాజల్ అగర్వాల్ మాట్లాడుతూ.. ఒక సినిమా షూటింగ్ పూర్తయిన తర్వాత తన కారవాన్లోకి ఓ అసిస్టెంట్ డైరెక్టర్ తన అనుమతి లేకుండానే వచ్చాడని తెలిపారు. అనంతరం తన ఛాతిపై తన పేరుతో వేయించుకున్న టాటూను చూపించాడని చెప్పారు. ఆ ఘటన తనకు ఎంతో అసౌకర్యంగా అనిపించిందని ఆమె వెల్లడించారు.
“అతను నా పేరుతో టాటూ వేయించుకోవడం వెనుక అభిమానమే ఉన్నప్పటికీ, నా అనుమతి లేకుండా కారవాన్లోకి రావడం, వ్యక్తిగత హద్దులను దాటేలా ప్రవర్తించడం సరైన విషయం కాదు. ఆ సంఘటన నన్ను చాలా అసౌకర్యానికి గురి చేసింది” అని కాజల్ పేర్కొన్నారు. సెలబ్రిటీలపై అభిమానులు తమ అభిమానాన్ని చూపించడం సహజమే అయినప్పటికీ, వారి వ్యక్తిగత గోప్యతను, వ్యక్తిగత హద్దులను గౌరవించడం కూడా అంతే ముఖ్యమని ఆమె కామెంట్స్ ద్వారా స్పష్టం చేశారు. అభిమానం పేరుతో ఇతరుల అనుమతి లేకుండా వారి వ్యక్తిగత గదుల్లోకి ప్రవేశించడం లేదా వారిని ఇబ్బందికి గురిచేసే విధంగా ప్రవర్తించడం సమంజసం కాదనే సందేశాన్ని కాజల్ పరోక్షంగా చెప్పుకొచ్చారు. ప్రస్తుతం కాజల్ అగర్వాల్ చేసిన ఈ కామెంట్స్ సినీ పరిశ్రమలో చర్చనీయాంశంగా మారాయి.
