హీరో వరుణ్ తేజ్ నటించిన “మట్కా” చిత్ర టీజర్ విజయవాడలోని రాజ్ యువరాజ్ థియేటర్లో విడుదలైంది. వైరా ఎంటర్టైన్మెంట్స్, SRT ఎంటర్టైన్మెంట్స్ బ్యానర్లపై డాక్టర్ విజయేందర్ రెడ్డి తీగల, రజనీ తాళ్లూరి నిర్మాణంలో, కరుణ కుమార్ దర్శకత్వం వహించిన ఈ సినిమా 1960లలో జరిగిన కధను ఆధారంగా చేసుకుని రూపొందించబడింది. ఈ చిత్రంలో ఒక సాధారణ వ్యక్తి మట్కా కింగ్గా ఎలా ఎదిగాడో చూపించబడుతుంది. జైలులో ఉన్న సమయంలో ఒక జైలర్ మాటల ద్వారా ప్రేరణ పొందిన కథానాయకుడు, సంపదను నియంత్రించే 1% ఎలైట్లో చేరాలని సంకల్పించి, తన లక్ష్యాన్ని సాధించడానికి ఎలా పోరాటం చేస్తాడో ఈ టీజర్లో చూపించారు.
వరుణ్ తేజ్ ఈ సినిమా ద్వారా ప్రేక్షకులను కొత్త లుక్కుతో ఆకట్టుకోవాలని, నవంబర్ 14న రిలీజ్ కానున్న ఈ చిత్రానికి దుర్గమ్మ దీవెనలతో విజయవంతం కావాలని కోరుకుంటున్నట్లు చెప్పారు. వరుణ్ తేజ్తో పాటు ఈ సినిమాలో నోరా ఫతేహి, మీనాక్షి చౌదరి, నవీన్ చంద్ర, అజయ్ ఘోష్, కన్నడ కిషోర్, రవీంద్ర విజయ్, పి రవి శంకర్ తదితరులు ముఖ్య పాత్రలు పోషిస్తున్నారు. కిషోర్ కుమార్, “తంగలాన్” చిత్రానికి కెమెరామెన్గా పని చేసిన తరువాత, ఈ చిత్రానికి అద్భుతమైన విజువల్స్ అందించారు. సంగీత దర్శకుడు జీవి ప్రకాశ్ స్వరపరచిన పాటలు ప్రేక్షకులను ఆకట్టుకోవడం ఖాయం.
