Bhairavam Theme Song: యంగ్ అండ్ డైనమిక్ హీరో బెల్లంకొండ సాయి శ్రీనివాస్ తన తాజా సినిమా భైరవం కోసం గట్టిగా సిద్ధమవుతున్నాడు. ఈ సినిమాలో అతడు ఒక తీవ్రతతో నిండిన, రగ్డ్ లుక్లో కనిపించబోతున్నాడు. ఈ ప్రాజెక్టులో నారా రోహిత్, మంచు మనోజ్ కూడా స్క్రీన్ను షేర్ చేసుకుంటున్నారు. ఇప్పటికే విడుదలైన “ఊ వెన్నెల” పాటలో బెల్లంకొండ శ్రీనివాస్ పాత్రలోని సాఫ్ట్, రొమాంటిక్ యాంగిల్ను చూపించారు. అయితే తాజాగా విడుదలైన థీమ్ సాంగ్ మాత్రం పూర్తిగా విభిన్నంగా, అతని యుద్ధాత్మక స్వభావాన్ని, దారుణమైన శివ తాండవాన్ని ప్రతిబింబించేలా ఉంది.
ఈ సినిమాలో శ్రీచరణ్ పాకాల అద్భుతమైన సంగీతాన్ని అందించగా, చైతన్య ప్రసాద్ రాసిన సాహిత్యం పూర్తిగా శివతత్వాన్ని ప్రతిబింబించేలా, భక్తి-ఆక్రోశాలతో నిండిన విధంగా ఉంది. ముఖ్యంగా, శంకర్ మహదేవన్ గొంతులో వచ్చిన ఈ పాట శక్తివంతమైన అనుభూతిని కలిగిస్తోంది. శివుని క్రోధాన్ని, ఆవేశాన్ని, విశ్వరూపాన్ని పలికించేలా ప్రతి పదం ఓకే భయానక శక్తిని ప్రతిబింబిస్తోంది.
ఈ పాటలో బెల్లంకొండ శ్రీనివాస్ పాత్ర పూర్తిగా శివుడిలో కలిసిపోయినట్టుగా కనిపిస్తోంది. అతని అభినయం, ఎక్స్ప్రెషన్స్ చూస్తే నిజంగానే శివ తాండవం మళ్లీ మానవ రూపంలో ప్రదర్శించబోతున్నట్టు అనిపిస్తోంది. ఇంకా మహాశివరాత్రి కి కేవలం అయిదు రోజులు మాత్రమే మిగిలి ఉండగా, ఈ పవర్ఫుల్ ట్రాక్ విడుదల కావడం విశేషం. శివుని భక్తులను, సినిమాపై ఆసక్తి ఉన్న వారిని ఒకే విధంగా ఉత్తేజపరచేలా ఈ పాట ఉంది. దీని ద్వారా భైరవం సినిమా మీద అంచనాలు మరింత పెరిగాయి. ఇలాంటి ఒక గంభీరమైన, పవర్ఫుల్ అథారిటీ కలిగిన పాట సినిమా విడుదలకి ముందు ప్రేక్షకుల హృదయాల్లో భారీ ఎఫెక్ట్ క్రియేట్ చేయడం ఖాయం. బెల్లంకొండ శ్రీనివాస్ కెరీర్లో ఇప్పటివరకు ఎన్నడూ చూడని మాస్ అవతారంలో కనిపించబోతున్నాడు.
