Zootopia 2 : వాల్ట్ డిస్నీ యానిమేషన్ స్టూడియోస్ నుండి ఎంతో ఆసక్తిగా ఎదురుచూస్తున్న ‘జూటోపియా 2’ ట్రైలర్ మరియు పోస్టర్ను తాజాగా విడుదల చేశారు. 2016లో వచ్చిన మొదటి భాగం ప్రపంచవ్యాప్తంగా సూపర్హిట్ కావడంతో, ఈ సీక్వెల్పై భారీ అంచనాలు నెలకొన్నాయి. ఈ యానిమేటెడ్ సీక్వెల్ నవంబర్ 28 నుంచి భారతదేశంలోని థియేటర్లలో ఇంగ్లీష్, హిందీ, తమిళం, తెలుగు భాషల్లో విడుదల కానుంది. మొదటి భాగంలో భారీ కేసును పరిష్కరించిన జూడీ హాప్స్ (గిన్నిఫర్ గుడ్విన్) మరియు నిక్ వైల్డ్ (జాసన్ బేట్మన్) ఇక పూర్తి స్థాయి పోలీస్ భాగస్వాములుగా పనిచేస్తున్నారు. అయితే వారి మధ్య ఉన్న బంధం ఊహించినంత బలంగా లేదు. ఈ నేపథ్యంలో చీఫ్ బోగో (ఇడ్రిస్ ఎల్బా) వారి ఇద్దరినీ కౌన్సెలింగ్కు పంపిస్తాడు. ఇదే సమయంలో, ఒక విషపూరిత పాము జూటోపియాలో సంచలనం రేపుతుంది. ఆ పాము రాక వెనుక ఉన్న రహస్యాన్ని ఛేదించేందుకు ఇద్దరూ మరోసారి కలిసి వస్తారు.
ఈ సీక్వెల్లో కొత్త పాత్రలుగా గ్యారీ డిస్నేక్ (కీ హుయ్ క్వాన్), నిబుల్స్ (ఫార్చ్యూన్ ఫీమ్స్టర్), డాక్టర్ ఫజ్బై (క్వింటా బ్రన్సన్) పరిచయమవుతున్నారు. ఆస్కార్ విజేతలైన జారెడ్ బుష్ మరియు బైరన్ హోవార్డ్ దర్శకత్వం వహించిన ఈ సినిమా, యవెట్ మెరినో నిర్మాణంలో వాల్ట్ డిస్నీ యానిమేషన్ స్టూడియోస్(Walt Disney Animation Studios) రూపొందించిన 64వ యానిమేటెడ్ ఫీచర్ ఫిల్మ్గా నిలవనుంది. హ్యూమర్, ఎమోషన్, మిస్టరీతో కూడిన ఈ అడ్వెంచర్ను అభిమానులు థియేటర్లలో మిస్ కాకుండా చూడాల్సిందే.
