తెలుగులో మహానటి, లక్కీ భాస్కర్ చిత్రాలతో బ్లాక్బస్టర్ విజయాలు సాధించిన దుల్కర్ సల్మాన్ తాజాగా ప్రేక్షకుల ముందుకు తీసుకువచ్చిన కాంత సినిమా ఆశించిన స్థాయిలో ప్రేక్షకులను ఆకట్టుకోలేకపోయింది. నవంబర్ 14న విడుదలైన ఈ పీరియాడిక్ డ్రామాలో సముద్రఖని, భాగ్యశ్రీ బోర్స్ ముఖ్య పాత్రల్లో నటించగా, రానా దగ్గుబాటి కూడా ప్రాధాన్యమైన పాత్రలో కనిపించాడు. తమిళ ప్రీమియర్కు మంచి స్పందన వచ్చినా, తెలుగులో మాత్రం ఈ చిత్రానికి మిక్స్డ్ టాక్ వచ్చింది. ఇప్పుడీ సినిమా తన డిజిటల్ ప్రీమియర్కు సిద్ధమైంది. కాంత సినిమా డిజిటల్ హక్కులను నెట్ఫ్లిక్స్ సొంతం చేసుకుంది మరియు ఈ రోజు రాత్రి నుంచే స్ట్రీమింగ్ ప్రారంభం కానుంది. తెలుగు, తమిళం, మలయాళం, కన్నడ భాషల్లో అందుబాటులోకి రానున్న ఈ చిత్రం, థియేటర్లలో సాధించలేని రన్ను OTTలో అందుకుంటుందేమో అనేది ఇప్పుడు ఆసక్తికరమైన ప్రశ్నగా మారింది.
