పవర్ స్టార్ పవన్ కళ్యాణ్ హీరోగా సుజీత్ దర్శకత్వంలో ప్రస్తుతం ‘ఓజి’ మూవీ తెరకెక్కుతున్న విషయం తెలిసిందే. ఇటీవల ఆర్ఆర్ఆర్ మూవీతో అతి పెద్ద విజయం సొంతం చేసుకున్న డీవీవీ ఎంటర్టైన్మెంట్ పతాకంపై డీవీవీ దానయ్య ఈ చిత్రాన్ని నిర్మిస్తున్నారు. ఇక ఏప్రిల్ 15 నుంచి ‘ఓజీ’ చిత్రీకరణ ముంబైలో ప్రారంభం కాగా.. తాజాగా ఈ మూవీ సెట్స్ లో పవన్ కళ్యాణ్ అడుగుపెట్టి అభిమానుల్లో ఉత్సాహం నింపారు. అయితే ఇప్పుడు ఆ ఉత్సాహాన్ని రెట్టింపు చేస్తూ, ఈ రోజు మేకర్స్ ఈ చిత్రానికి సంబంధించిన మరో ఆసక్తికరమైన అప్డేట్తో మన ముందుకు వచ్చారు.
‘డాక్టర్’, ‘డాన్’, ‘గ్యాంగ్ లీడర్’, ‘శ్రీకారం’ వంటి చిత్రాల్లో తన నటనతో మంచి గుర్తింపు తెచ్చుకున్న ప్రియాంక మోహన్ ఈ సినిమాలో కథానాయికగా ఎంపికైనట్లు అఫీషియల్ గా అనౌన్స్ చేసారు మేకర్స్. పవన్ కళ్యాణ్, ప్రియాంక మోహన్ జంటను తెరపై చూడాలని సినీ ప్రియులు ఎంతో ఉత్సాహంగా ఎదురుచూసున్నారు. ఇక అత్యంత భారీ స్థాయిలో తెరకెక్కుతున్న ఈ చిత్రానికి ఎస్ థమన్ సంగీతం అందిస్తున్నారు.
