సూపర్ స్టార్ రజనీకాంత్ ‘జైలర్’ వసూళ్ల వర్షం కురిపిస్తోంది.విడుదలైన 10 రోజుల్లోనే రజనీకాంత్ యాక్షన్ చిత్రం జైలర్ ప్రపంచవ్యాప్తంగా రూ.500 కోట్లు వసూలు చేసింది. ట్రేడ్ అనలిస్ట్ మనోబాల విజయబాలన్ ప్రకారం, ‘జైలర్’ సినిమా రోబో 2.0, పొన్నియిన్ సెల్వన్ చిత్రాల తర్వాత రూ.500 కోట్ల క్లబ్లోకి ప్రవేశించిన మూడవ తమిళ చిత్రంగా నిలిచింది. ట్రేడ్ వెబ్సైట్ సక్నిల్క్ నివేదిక ప్రకారం, జైలర్ 10వ రోజు తొలి అంచనాల ప్రకారం భారతదేశంలోని అన్ని భాషల్లో రూ.18 కోట్లు వసూలు చేసింది. ఈ తమిళ చిత్రం హిందీ, తెలుగు, మలయాళం, కన్నడ భాషల్లోకి డబ్ చేయబడింది. ఆగస్ట్ 10న అన్ని భాషల్లో రూ. 48.35 కోట్ల నెట్తో ప్రారంభమైన జైలర్.. ఇప్పటి వరకు ఇండియా నెట్ కలెక్షన్స్ రూ.263.9 కోట్లుగా ఉంది. ఈ సినిమా తొలి వారంలో రూ. 235.85 కోట్లు రాబట్టగలిగింది. ప్రపంచ వ్యాప్తంగా ఈ సినిమా ఆకట్టుకుంటోంది. రజనీకాంత్ నటించిన ఈ చిత్రం రూ.500 కోట్ల మార్కును దాటిన మూడవ తమిళ చిత్రంగా నిలిచింది. రజనీకాంత్, అక్షయ్ కుమార్ నటించిన ‘రోబో 2.0; తర్వాత ఇది రూ. 500 కోట్ల క్లబ్లో అత్యంత వేగంగా చేసిన రెండవ చిత్రంగా కూడా నిలిచింది.
