విజయ్ సేతుపతి, త్రిష జంటగా తమిళంలో తెరకెక్కిన చిత్రం ’96’. ఎలాంటి అంచనాలు లేకుండా విడుదలైన ఈ మూవీ తమిళ్ బాక్స్ ఆఫీస్ దగ్గర సూపర్ హిట్ టాక్ తెచ్చుకొని వసూళ్ల వర్షం కురిపించింది. ఈ చిత్రాన్ని తెలుగులో దిల్ రాజు నిర్మించబోతున్నట్లు చాల రోజులుగా వార్తలు చక్కర్లు కొడుతున్న సంగతి తెలిసిందే.
ఈ రీమేక్ లో హీరోహీరోయిన్లుగా ఎవరు నటిస్తున్నారనే విషయంఫై ఇటీవల కొందరి పేర్లు తెరమీదకు వచ్చాయి. అయితే ఆ వార్తలపై చిత్ర యూనిట్ స్పదించకపోవడంతో వాటిని పుకార్ల గానే అంత తేల్చారు. దీంతో తాజాగా దిల్ రాజు ఈ వార్తలఫై క్లారిటీ ఇచ్చారు. శర్వానంద్, సమంత జంటగా నటించనున్న ఈ చిత్రాన్ని ఒరిజినల్ వెర్షన్ కు దర్శకత్వం వహించిన ప్రేమ్ కుమారే తెరకెక్కిస్తున్నాడని, అతి త్వరలో ఈ సినిమా సెట్స్ పైకి రాబోతుందని రాజు చెప్పుకొచ్చారు.
తాజాగా దిల్ రాజు నిర్మించిన ఎఫ్ 2 బాక్స్ ఆఫీస్ దగ్గర ఘన విజయం సాధించడంతో చిత్ర యూనిట్ సంబరాలు చేసుకుంటున్నారు.
