ఆంధ్రప్రదేశ్‌ ముఖ్యమంత్రి చంద్రబాబు కు నాన్‌బెయిలబుల్‌ వారెంట్‌ జారీ అయిన సంగతి తెలిసిందే. ఆయనతో సహా మంత్రి దేవినేని ఉమామహేశ్వరరావుతో పాటు మరో 14 మందికి నాన్‌బెయిలబుల్‌ వారెంట్‌ జారీ అయింది. బాబ్లీ ప్రాజెక్టుకు వ్యతిరేకంగా 2010లో చేసిన పోరాటానికి గాను ఈ వారెంట్‌ను మహారాష్ట్రలోని ధర్మాబాద్ మెజిస్ట్రేట్‌ కోర్టు ఇచ్చింది. చంద్రబాబును కోర్టులో హాజరుపరచాలంటూ ఆదేశాలు జారీచేసింది. ఈ నెల 21లోగా చంద్రబాబుతో పాటు మిగతా వారూ హాజరు కావాలని నోటీసుల్లో పేర్కొంది.
కాగా ఈ ఘటనకు సంబంధించి కోర్టు నోటీసులు అందుకున్న ముఖ్యమంత్రి చంద్రబాబు తన తరపున న్యాయవాదిని ధర్మాబాద్ న్యాయస్థానానికి పంపాలని నిర్ణయించారు. ఈ మేరకు సీఎం తరపున న్యాయవాదులు వెళ్లి నాన్ బెయిల్‌పై రీకాల్ పిటిషన్ చేయనున్నారు.ఈ నెల 22న ఐక్యరాజ్యసమితిలో పాల్గొనే అరుదైన అవకాశం ఉన్నందు తన బదులు న్యాయవాదులను కోర్టుకు పంపాలని చంద్రబాబు నిర్ణయించారు.
