Samantha: స్టార్ బ్యూటీ సమంత రూత్ ప్రభు ప్రస్తుతం తన పర్సనల్ లైఫ్తో పాటు ప్రొఫెషనల్ కెరీర్లోనూ సరికొత్త అధ్యాయాన్ని ఆస్వాదిస్తోంది. ఇటీవల తాను ప్రెగ్నెన్సీతో ఉన్న విషయాన్ని అధికారికంగా ప్రకటించి, త్వరలోనే మెటర్నిటీ బ్రేక్ తీసుకోబోతున్నట్లు వెల్లడించిన సామ్.. సెలవుల్లోకి వెళ్లేముందు ఫ్యాన్స్కు ఒక అదిరిపోయే గుడ్ న్యూస్ చెప్పింది. ప్రముఖ ఓటీటీ ప్లాట్ఫామ్ ‘సోనీ లివ్’లో ఒక భారీ తమిళ్ సెలబ్రిటీ టాక్ షోతో ఆమె డిజిటల్ స్క్రీన్పై సందడి చేయబోతోందని తెలుస్తోంది.
గతంలో తెలుగులో ‘సామ్ జామ్’ టాక్ షోతో హోస్ట్గా మెప్పించిన సమంత.. ఇప్పుడు మొదటిసారి తమిళ్లో టాక్ షో చేయనుండటం విశేషం. ఈ సరికొత్త టాక్ షోకు సంబంధించిన అధికారిక ప్రకటన రావాల్సి ఉంది. అయితే ప్రెగ్నెన్సీ కారణంగా సమంత లాంగ్ మెటర్నిటీ బ్రేక్ తీసుకోబోతున్న విషయం తెలిసిందే. ఈ బ్రేక్ కంటే ముందే ఈ క్రేజీ టాక్ షోకు సంబంధించిన కొన్ని కీలక ఎపిసోడ్స్ షూటింగ్ను వేగంగా పూర్తి చేయాలని సామ్ ప్లాన్ చేస్తున్నట్లు ఇండస్ట్రీ వర్గాల సమాచారం. ప్రెగ్నెన్సీ బేబీ బంప్తోనే సమంత హోస్ట్గా చేయబోయే ఈ షో కోసం నెటిజన్లు, అభిమానులు ఎంతగానో ఎదురుచూస్తున్నారు.
