Korean Kanakaraju: వైవిధ్యమైన కథలను ఎంచుకుంటూ టాలీవుడ్లో తనకంటూ ఒక ప్రత్యేకమైన స్థానాన్ని సంపాదించుకున్నారు మెగా ప్రిన్స్ వరుణ్ తేజ్. తాజాగా ఆయన నటిస్తున్న మోస్ట్ ఎవైటెడ్ ఇంట్రెస్టింగ్ ప్రాజెక్ట్ ‘కొరియన్ కనకరాజు’. సరికొత్త కాన్సెప్ట్తో, అవుట్ అండ్ అవుట్ ఎంటర్టైనర్గా తెరకెక్కుతున్న ఈ చిత్రంపై ఇప్పటికే ట్రేడ్ వర్గాల్లో భారీ అంచనాలు ఉన్నాయి. ప్రస్తుతం ఈ సినిమా రిలీజ్కి సంబంధించిన ఒక క్రేజీ అప్డేట్ను చిత్ర యూనిట్ అధికారికంగా సోషల్ మీడియా వేదికగా ప్రకటించింది. బాక్సాఫీస్ వద్ద ప్రేక్షకులకు సరికొత్త వినోదాన్ని పంచేందుకు ‘కొరియన్ కనకరాజు’ థియేటర్లలోకి వచ్చేందుకు ముహూర్తం ఖరారైంది. ఈ చిత్రాన్ని ఆగస్టు 7న ప్రపంచవ్యాప్తంగా గ్రాండ్గా రిలీజ్ చేయనున్నట్లు మేకర్స్ కన్ఫర్మ్ చేశారు.
ఈ మేరకు రిలీజ్ చేసిన స్పెషల్ అనౌన్స్మెంట్ పోస్టర్ నెట్టింట ఫుల్ వైరల్ అవుతోంది. “ఎంటర్టైన్మెంట్ గ్యారెంటీ” అనే ట్యాగ్లైన్తో వస్తున్న ఈ సినిమా వరుణ్ తేజ్ కెరీర్లోనే వన్ ఆఫ్ ది బెస్ట్ కమర్షియల్ ఎంటర్టైనర్గా నిలవనుందని చిత్ర యూనిట్ ధీమా వ్యక్తం చేస్తోంది. ఈ సినిమా టైటిల్ ‘కొరియన్ కనకరాజు’ అని డిఫరెంట్గా ఉండటంతో, స్టోరీ కొరియా దేశంతో ముడిపడి ఉంటుందా లేదా హీరో క్యారెక్టరైజేషన్ అలా ఉంటుందా అనే ఆసక్తి అందరిలోనూ నెలకొంది. వరుణ్ తేజ్ ఈ చిత్రంలో సరికొత్త మేకోవర్తో, మునుపెన్నడూ చూడని డిఫరెంట్ టైమింగ్తో ప్రేక్షకులను నవ్వించబోతున్నట్లు టాక్. ఈ చిత్రాన్ని మెర్లపాక గాంధీ తెరకెక్కిస్తుండగా, రితీక నాయక్ హీరోయిన్గా నటిస్తున్నారు. వరుణ్ తేజ్ మార్కెట్ను ఈ ‘కనకరాజు’ ఏ రేంజ్కు తీసుకెళ్తాడో చూడాలి.
