మాస్కి దైవత్వం కలిసినప్పుడు బాక్సాఫీస్ వద్ద విధ్వంసమే జరుగుతుంది – అదే నిరూపించింది ‘అఖండ 2: తాండవం’. గాడ్ ఆఫ్ మాసెస్ నందమూరి బాలకృష్ణ, దర్శకుడు బోయపాటి శ్రీను కలయికలో రూపొందిన ఈ చిత్రం థియేటర్లలోకి అడుగుపెట్టిన మొదటి రోజే సరికొత్త రికార్డులు సృష్టించింది. గురువారం జరిగిన గ్రాండ్ ప్రీమియర్స్కు అదిరిపోయే స్పందన రాగా, శుక్రవారం థియేటర్లు అభిమానుల జైజైకారాలతో ఊగిపోయాయి.
‘అఖండ 2’ ప్రపంచవ్యాప్తంగా తొలి రోజే రూ.59.5 కోట్లకు పైగా గ్రాస్ వసూలు చేసి బాలకృష్ణ కెరీర్లోనే బిగ్గెస్ట్ ఓపెనర్గా నిలిచింది. బుక్మైషోలోనే 5 లక్షలకుపైగా టికెట్లు అమ్ముడుపోవడం సినిమాపై ఉన్న క్రేజ్ను చెప్పకనే చెబుతోంది. చాలా థియేటర్లలో హౌస్ఫుల్ బోర్డులు దర్శనమిచ్చాయి, రిపీట్ ఆడియన్స్ కూడా భారీగా కనిపిస్తున్నారు. విదేశాల్లోనూ బాలయ్య సత్తా మరోసారి నిరూపితమైంది. అమెరికాలో $500K మార్క్ను దాటుతూ ‘అఖండ 2’ అద్భుతమైన ఓపెనింగ్ సాధించింది. 14 రీల్స్ ప్లస్ బ్యానర్పై రామ్ ఆచంట, గోపీ ఆచంట నిర్మించిన ఈ చిత్రాన్ని ఎం. తేజస్విని నందమూరి ప్రెజెంట్ చేశారు. బాలకృష్ణ పవర్ఫుల్ స్క్రీన్ ప్రెజెన్స్కు బోయపాటి మార్క్ మాస్ ట్రీట్ తోడవడంతో, వీకెండ్ మొత్తం ఈ సినిమా బాక్సాఫీస్ను షేక్ చేయడం ఖాయంగా కనిపిస్తోంది.
