Allu Arjun: పాన్-ఇండియా బాక్సాఫీస్ వద్ద తనదైన ముద్ర వేసిన ఐకాన్ స్టార్ అల్లు అర్జున్ కెరీర్‌లో మరో సరికొత్త, ప్రతిష్టాత్మక అధ్యాయం మొదలైంది. కళాకారుడిగా ఎదగడానికి స్ఫూర్తిగా నిలిచిన తన తాతయ్య, లెజెండరీ హాస్య నటుడు, పద్మశ్రీ అల్లు రామలింగయ్య జయంతిని పురస్కరించుకుని అక్టోబర్ 1న బన్నీ ఒక సర్‌ప్రైజ్ ఇచ్చారు. తన డ్రీమ్ ప్రాజెక్టులకు, సృజనాత్మక ఆలోచనలకు కేంద్ర బిందువుగా ఉండేలా నిర్మించిన సరికొత్త క్రియేటివ్ ఆఫీస్‌‌ను అల్లు అర్జున్ ఘనంగా స్టార్ట్ చేశారు. ఈ సరికొత్త క్రియేటివ్ స్పేస్‌కు ‘ఐకాన్జా’ (Iconja) అనే ప్రత్యేకమైన పేరును ఖరారు చేశారు. ఈ శుభవార్తను అల్లు అర్జున్ స్వయంగా సోషల్ మీడియా వేదికగా అభిమానులతో పంచుకున్నారు. “ఒక సరికొత్త ఆఫీస్.. ఒక సరికొత్త ఆరంభం. మా తాతగారు అల్లు రామలింగయ్య గారి జయంతి వేళ ఒక నూతన అధ్యాయానికి శ్రీకారం చుడుతున్నాం” అంటూ భావోద్వేగంతో కూడిన పోస్ట్‌ను షేర్ చేశారు. దీంతో సోషల్ మీడియాలో బన్నీ అభిమానుల సందడి తారాస్థాయికి చేరింది.
‘ఐకాన్జా’ కేవలం సాధారణ కార్పొరేట్ కార్యాలయంగా కాకుండా, సరికొత్త సినిమాటిక్ కాన్సెప్టులకు ప్రాణం పోసే ఒక వినూత్న వర్క్‌స్పేస్‌గా రూపుదిద్దుకుంది. అల్లు కుటుంబానికి దశాబ్దాలుగా చిత్ర పరిశ్రమతో ఉన్న అనుబంధాన్ని, వారసత్వాన్ని ముందుకు నడిపిస్తూనే.. గ్లోబల్ స్థాయి ప్రయోగాలకు ఇది కేంద్రంగా మారనుంది. పాన్-ఇండియా, గ్లోబల్ ప్రాజెక్టులకు సంబంధించిన కథా చర్చలు, స్క్రిప్ట్ సెషన్లు, సరికొత్త దర్శకులు-రచయితలతో బ్రెయిన్‌స్టార్మింగ్ మీటింగ్స్ అన్నీ ఇకపై ‘ఐకాన్జా’ నుంచే నడవనున్నాయి. ప్రస్తుతం అల్లు అర్జున్ పాన్ – ఇండియా స్థాయిలో అత్యంత భారీ ప్రాజెక్టులతో దూసుకుపోతున్నారు. బ్లాక్‌బస్టర్ ‘పుష్ప 2: ది రూల్’ తర్వాత కోలీవుడ్ సెన్సేషనల్ డైరెక్టర్ అట్లీ దర్శకత్వంలో రానున్న భారీ యాక్షన్ ఎంటర్‌టైనర్ ‘రాకా’పై ఇప్పటికే దేశవ్యాప్తంగా భారీ హైప్ నెలకొంది. హై-వోల్టేజ్ యాక్షన్, ఎమోషన్స్‌‌తో తెరకెక్కనున్న ఈ సినిమాతో పాటు, ఆయన లైన్-అప్‌లో ఉన్న ఇతర భారీ చిత్రాల సన్నాహాలు, ప్రీ-ప్రొడక్షన్ ప్లానింగ్ అంతా ఈ కొత్త వేదిక ‘ఐకాన్జా’ ద్వారా మరింత వేగవంతం కానుందని తెలుస్తుంది. ఈ సరికొత్త ఆరంభంతో బన్నీ భవిష్యత్ సినిమాలపై అంచనాలు ఆకాశాన్ని తాకుతున్నాయి.
