Atlee: కోలీవుడ్లో ప్రస్తుతం ఒక క్రేజీ కాంబినేషన్కు సంబంధించిన వార్త తెగ హల్చల్ చేస్తోంది. స్టార్ డైరెక్టర్ అట్లీ.. ఇప్పుడు నిర్మాతగా మారి ఒక సరికొత్త క్రేజీ ప్రాజెక్ట్ను పట్టాలెక్కించబోతున్నట్లు టాక్. ఈ మోస్ట్ హ్యాపెనింగ్ ప్రాజెక్ట్లో టాలెంటెడ్ యంగ్ సెన్సేషన్ ప్రదీప్ రంగనాథన్ హీరోగా నటించనున్నట్లు సమాచారం. అట్లీ దగ్గర చాలా కాలంగా వర్క్ చేస్తోన్న ఒక టాలెంటెడ్ అసిస్టెంట్ డైరెక్టర్ ఈ సినిమా ద్వారా దర్శకుడిగా పరిచయం కాబోతున్నారట. 2022లో వచ్చిన ‘లవ్ టుడే’ సినిమాతో దర్శకుడిగా, హీరోగా రాత్రికి రాత్రే సౌత్ ఇండియా మొత్తం పాపులర్ అయిపోయారు ప్రదీప్ రంగనాథన్. యూత్లో ఆయనకున్న క్రేజ్ చూసి ఇండస్ట్రీ వర్గాలే షాక్ అయ్యాయి. ఆ తర్వాత విడుదలైన ‘డ్రాగన్’, ‘డ్యూడ్’ చిత్రాలతో బాక్సాఫీస్ వద్ద వరుసగా మంచి విజయాలను అందుకోవడమే కాకుండా, నటుడిగా తన మార్కెట్ను భారీగా పెంచుకున్నారు. ప్రస్తుతం కోలీవుడ్లో అత్యంత డిమాండ్ ఉన్న యంగ్ హీరోల్లో ప్రదీప్ ఒకరిగా నిలిచారు.
స్టార్ డైరెక్టర్గా ఎంత బిజీగా ఉన్నప్పటికీ.. తన స్వంత బ్యానర్పై సరికొత్త కాన్సెప్ట్లతో వచ్చే యంగ్ టాలెంట్ను, కొత్త తరం నటీనటులను ప్రోత్సహించేందుకు అట్లీ ఈ ప్లాన్ చేసినట్లు తెలుస్తోంది. ప్రదీప్ రంగనాథన్ మార్క్ కామెడీ, యూత్ఫుల్ ఎలిమెంట్స్కు అట్లీ ప్రొడక్షన్ వాల్యూస్ తోడైతే సినిమా నెక్స్ట్ లెవెల్లో ఉంటుందని ట్రేడ్ వర్గాలు అంచనా వేస్తున్నాయి. ఈ క్రేజీ ప్రాజెక్ట్కు సంబంధించిన మరిన్ని వివరాలు, అధికారిక ప్రకటన త్వరలోనే వచ్చే అవకాశం ఉందని చెబుతున్నారు.
