నవీన్ చంద్ర, దివ్య పిళ్లై ప్రధాన పాత్రల్లో నటించిన సైకలాజికల్ హారర్ మూవీ ‘హనీ’ ఫిబ్రవరి 6న ప్రపంచవ్యాప్తంగా థియేటర్లలో విడుదలకు సిద్ధమైంది. కరుణ కుమార్ రచన, దర్శకత్వంలో రూపొందిన ఈ చిత్రాన్ని OVA ఎంటర్టైన్మెంట్స్ బ్యానర్పై రవి పీట్ల, ప్రవీణ్ కుమార్ రెడ్డి నిర్మించగా, శేఖర్ స్టూడియోస్ సమర్పిస్తోంది. నిజ జీవిత సంఘటనల నుంచి ప్రేరణ పొందిన ఈ సినిమా మూఢనమ్మకాలు, అంధ విశ్వాసాలు, డార్క్ సైకలాజికల్ అంశాలతో ప్రేక్షకులకు కొత్త తరహా అనుభూతిని అందించనుంది. దివి, రాజా రవీంద్ర, బేబీ జయని, బేబీ జయత్రి కీలక పాత్రల్లో కనిపించగా, అజయ్ అరసాడ సంగీతం, మార్తాండ్ కె వెంకటేష్ ఎడిటింగ్, నగేష్ బన్నెల్ సినిమాటోగ్రఫీతో టాప్ టెక్నికల్ టీమ్ ఈ చిత్రానికి పని చేసింది. అలాగే ‘హనీ’ డిజిటల్ స్ట్రీమింగ్ హక్కులను అమెజాన్ ప్రైమ్ వీడియో సొంతం చేసుకోవడంతో థియేట్రికల్ రిలీజ్ తర్వాత భారీ డిజిటల్ రీచ్ దక్కనుంది.
ఇటీవల విడుదలైన ‘హనీ’ గ్లింప్స్ ఒక డార్క్, ఇన్టెన్స్ సైకలాజికల్ హారర్ టోన్తో ప్రేక్షకులను ఆకట్టుకుంటోంది. జంప్ స్కేర్స్కు దూరంగా, మెల్లగా భయాన్ని పెంచే విజువల్స్, లో లైటింగ్, అన్సెట్టిలింగ్ సౌండ్ డిజైన్ ద్వారా మూఢనమ్మకాలు ఎలా ప్రమాదకరంగా మారతాయో స్పష్టంగా చూపిస్తోంది. నవీన్ చంద్ర పాత్రలో కనిపించే అంతర్మథనం, భావోద్వేగ ఒత్తిడి ఆసక్తిని పెంచుతుండగా, సైలెన్స్ మరియు బ్యాక్గ్రౌండ్ స్కోర్ భయాన్ని మరింత లోతుగా తీసుకెళ్తాయి. నిజం–భ్రమ మధ్య ఉన్న సన్నని గీతను ఆవిష్కరిస్తూ, మానసిక భయం మనిషిని లోపల్నుంచి ఎలా కూల్చేస్తుందో చెప్పబోయే శక్తివంతమైన సినిమాగా ‘హనీ’పై ఈ గ్లింప్స్ బలమైన హింట్ ఇస్తోంది.
