Jr NTR: మ్యాన్ ఆఫ్ మాసెస్ జూనియర్ ఎన్టీఆర్ సినీ రంగంలో మరో కీలక అడుగు వేసినట్లు తెలుస్తోంది. ఇప్పటివరకు హీరోగా పాన్ ఇండియా స్థాయిలో తనదైన ముద్ర వేసిన తారక్.. ఇక నిర్మాణ రంగంలోనూ అడుగుపెట్టేందుకు సిద్ధమైనట్లు సమాచారం. ‘NTRTAIN’ పేరుతో సొంత ప్రొడక్షన్ హౌస్ను ప్రారంభించినట్లు సినీ వర్గాల్లో వార్తలు వినిపిస్తున్నాయి. ఎన్టీఆర్ పేరులోని ‘NTR’, ఎంటర్టైన్మెంట్ను సూచించే ‘ENTERTAIN’ పదాలను కలిపి ‘NTRTAIN’ అనే పేరును రూపొందించినట్లు తెలుస్తోంది. సినిమా, వినోదం అనే భావాలను ప్రతిబింబించేలా ఈ పేరును ఖరారు చేసినట్లు సమాచారం. తన పేరుతో పాటు సినిమాపై తనకున్న అభిరుచిని కూడా ఈ బ్రాండ్ ద్వారా చాటేలా తారక్ ఈ పేరును ఎంచుకున్నట్లు తెలుస్తోంది.
ఈ ప్రొడక్షన్ హౌస్లో జూనియర్ ఎన్టీఆర్తో పాటు ఆయన సతీమణి ప్రణతి నందమూరి కూడా డైరెక్టర్గా వ్యవహరించనున్నట్లు సమాచారం. దీంతో ‘NTRTAIN’ సంస్థ కుటుంబ భాగస్వామ్యంతో ముందుకు సాగనున్నట్లు తెలుస్తోంది. అయితే సంస్థకు సంబంధించిన పూర్తి వివరాలు, అధికారిక ప్రకటనపై ఇంకా స్పష్టత రావాల్సి ఉంది. ‘NTRTAIN’ ద్వారా కేవలం తాను హీరోగా నటించే సినిమాలకే పరిమితమవుతారా? లేక కొత్త కథలు, కొత్త దర్శకులు, యువ ప్రతిభను ప్రోత్సహించేలా సినిమాలు నిర్మిస్తారా? అనే చర్చ ఇప్పుడు ఇండస్ట్రీలో మొదలైంది. ఇప్పటికే వరుస భారీ చిత్రాలతో బిజీగా ఉన్న జూనియర్ ఎన్టీఆర్.. ఒకవైపు నటుడిగా తన కెరీర్ను కొనసాగిస్తూనే మరోవైపు నిర్మాతగా కొత్త ప్రయాణాన్ని ప్రారంభించనున్నారనే వార్త టాలీవుడ్లో ఆసక్తిని రేకెత్తిస్తోంది. అయితే ‘NTRTAIN’ ప్రొడక్షన్ హౌస్పై అధికారిక ప్రకటన రావాల్సి ఉంది.
