Maremma First Look : యువ నటుడు మాధవ్, ప్రముఖ నటుడు రఘు కుమారుడు మరియు మాస్ మహారాజా రవితేజ మేనల్లుడు, ‘మారెమ్మ’ అనే రూరల్ యాక్షన్ డ్రామాతో హీరోగా పరిచయం కాబోతున్నాడు. మనచల నాగరాజ్ దర్శకత్వంలో, మాయూర్ రెడ్డి బండారు నిర్మాణంలో మోక్ష ఆర్ట్స్ బ్యానర్పై రూపొందుతున్న ఈ ప్రాజెక్టు ప్రొడక్షన్ నంబర్ 1గా రూపొందుతోంది. ఈ రోజు ఈ చిత్రానికి పవర్ఫుల్ టైటిల్ తో పాటు ఫస్ట్ లుక్ను విడుదల చేశారు. ఫస్ట్ లుక్లో మాధవ్ చెక్డ్డ షర్ట్, లుంగీ ధరించి, మెడకు తువ్వాల్ వేసుకుని ఓ ఊరి యువకుడిలా ధైర్యంగా కనిపిస్తున్నాడు. అతని గుబురు మీసాలు, చెదిరిన జుట్టు, వెనుక నిలిచిన ఎద్దు — ఇవన్నీ అతని పాత్ర మాస్ యాంగిల్ను స్పష్టంగా చూపిస్తున్నాయి.
ఈ చిత్రానికి మనచల నాగరాజ్ శక్తివంతమైన కథను రాశారు, అందులో మాధవ్ని ఓ బలమైన గ్రామీణ పాత్రలో పరిచయం చేస్తున్నారు. మాధవ్ ఈ పాత్ర కోసం ప్రత్యేకంగా మేకోవర్ కూడా చేసుకున్నాడు. మాధవ్కు జోడీగా దీపా బాలు నటించగా, వినోద్ కుమార్, వికాస్ వశిష్ఠ, దయానంద్ రెడ్డి, వి.ఎస్.రూపలక్ష్మి కీలక పాత్రలు పోషిస్తున్నారు. సాంకేతిక విభాగంలో ప్రసాంత్ అంకిరెడ్డి సినిమాటోగ్రఫీ అందిస్తుండగా, సంగీతాన్ని ప్రశాంత్ ఆర్ విహారి అందిస్తున్నారు. ఎడిటర్గా దేవ్ రాథోడ్, ఆర్ట్ డైరెక్టర్గా రాజ్ కుమార్ మురుగేశన్ వ్యవహరిస్తున్నారు.
