Kick 2 to Irumudi: మాస్ మహారాజా రవితేజ కెరీర్లో ‘ఇరుముడి’ ఓ కీలక మలుపుగా నిలిచిందనే చర్చ ఇప్పుడు టాలీవుడ్ లో మొదలైంది. వరుస విజయాలు, పరాజయాలతో సాగిన ఆయన సినీ ప్రయాణంలో కొన్ని సినిమాలు ఆయన మార్కెట్పై తీవ్ర ప్రభావం చూపించాయి. ముఖ్యంగా 2015లో విడుదలైన ‘కిక్ 2’ రవితేజ కెరీర్లో భారీ అంచనాల మధ్య వచ్చినప్పటికీ ఆశించిన స్థాయిలో విజయం సాధించలేకపోయింది. ఆ సినిమా తర్వాత ఆయన మార్కెట్పై ప్రతికూల ప్రభావం పడిందనే అభిప్రాయాలు అప్పట్లో వ్యక్తమయ్యాయి. అయితే ఆ తర్వాత రవితేజ పలు సక్సెస్ లతో తిరిగి పుంజుకున్నారు. విభిన్న కథలు, మాస్ పాత్రలతో ప్రేక్షకులను అలరిస్తూ తన మార్కెట్ను నిలబెట్టుకునే ప్రయత్నం చేశారు. అయినప్పటికీ ‘కిక్ 2’తో వచ్చిన ఎదురుదెబ్బను పూర్తిగా అధిగమించి మరో భారీ స్థాయి విజయాన్ని అందుకోవడం కోసం ఆయన అభిమానులు ఎదురుచూస్తూనే ఉన్నారు.
ఇప్పుడు సరిగ్గా పదేళ్ల తర్వాత అదే ఆగస్టు 21న రవితేజ ‘ఇరుముడి’తో ప్రేక్షకుల ముందుకు రావడం ఆసక్తికరంగా మారింది. విడుదలైన రోజే సినిమాకు పాజిటివ్ టాక్ రావడంతో పాటు భారీ స్థాయిలో ప్రేక్షకులు థియేటర్లకు తరలివస్తున్నారు. దీంతో రవితేజ కెరీర్లో ఇది ఊహించని స్థాయిలో వచ్చిన బిగ్ కమ్బ్యాక్గా అభిమానులు అభివర్ణిస్తున్నారు. ఈ సినిమాకు ప్రముఖ డైరెక్టర్ శివ నిర్వాణ దర్శకత్వం వహించగా, మైత్రీ మూవీ మేకర్స్ అత్యంత ప్రతిష్టాత్మకంగా నిర్మించింది. రవితేజను కొత్త తరహా పాత్రలో చూపించడంతో పాటు కథ, భావోద్వేగాలు, యాక్షన్ అంశాలను మేళవించడంతో ప్రేక్షకులు ఈ సినిమా కి బ్రహ్మరథం పడుతున్నారు. సినిమా విజయంతో చిత్రబృందం కూడా ఫుల్ జోష్లో ఉంది. ‘కిక్ 2’తో ఎదురైన భారీ setback నుంచి పదేళ్ల తర్వాత అదే తేదీన ‘ఇరుముడి’తో బలమైన కమ్బ్యాక్ ఇవ్వడం యాదృచ్ఛికమే అయినా.. మాస్ మహారాజా రవితేజ అభిమానులకు మాత్రం ఇది నిజంగానే ‘గాడ్స్ ప్లాన్’లా అనిపిస్తోంది. కొన్నిసార్లు కెరీర్లో వచ్చే కమ్బ్యాక్లు కేవలం విజయాలు మాత్రమే కాకుండా ఓ ప్రత్యేకమైన కథగా కూడా మిగిలిపోతాయి. రవితేజ ‘ఇరుముడి’ కమ్బ్యాక్ కూడా అలాంటి జ్ఞాపకంగా నిలుస్తుందా అనేది రాబోయే రోజుల్లో చూడాలి.
