Ravi Teja: మాస్ మహారాజా రవితేజ, టాలెంటెడ్ హీరో శ్రీవిష్ణు కలిసి నటిస్తున్న క్రేజీ ప్రాజెక్ట్పై సినీ వర్గాల్లో ఆసక్తి రోజురోజుకీ పెరుగుతోంది. ప్రముఖ నిర్మాత దిల్ రాజు నిర్మాణంలో తెరకెక్కనున్న ఈ సినిమాకు యువ దర్శకుడు హర్షిత్ గోలి దర్శకత్వం వహిస్తున్నారు. ఇప్పటి వరకు ఈ చిత్రానికి సంబంధించి చిత్ర బృందం నుంచి అధికారిక ప్రకటన రాకపోయినా, ఈ ప్రాజెక్ట్పై పలు ఆసక్తికర వార్తలు సోషల్ మీడియాలో వైరల్ అవుతున్నాయి. తాజా సమాచారం ప్రకారం ఈ సినిమాలో రవితేజ సరసన హీరోయిన్గా మలయాళ భామ మాలవిక మోహన్ను ఎంపిక చేసినట్లు తెలుస్తోంది. తన అందం, నటనతో దక్షిణాది ప్రేక్షకుల్లో ప్రత్యేక గుర్తింపు తెచ్చుకున్న మాలవిక మోహన్.. రవితేజతో తొలిసారి జతకట్టనున్నట్లు సమాచారం. అయితే ఈ విషయంపై అధికారిక ప్రకటన రావాల్సి ఉంది.
ఈ చిత్రానికి ‘వీరాధివీరులు’ అనే టైటిల్ను పరిశీలిస్తున్నట్లు సినీ వర్గాల్లో ప్రచారం జరుగుతోంది. యాక్షన్, ఎంటర్టైన్మెంట్ అంశాలతో పాటు ప్రత్యేకమైన స్టోరీతో ఈ సినిమాను తెరకెక్కిస్తున్నట్లు సమాచారం. దర్శకుడు హర్షిత్ గోలి గతంలో తెరకెక్కించిన చిత్రాల తరహాలోనే ఈ సినిమాలో కూడా కొత్తదనం ఉండేలా ప్లాన్ చేస్తున్నట్లు తెలుస్తోంది. దిల్ రాజు నిర్మాణ సంస్థ నుంచి వస్తున్న సినిమా కావడంతో ఈ ప్రాజెక్ట్పై భారీ అంచనాలు నెలకొన్నాయి. రవితేజ తన మాస్ ఇమేజ్కు తగ్గ పాత్రలో కనిపించనున్నారని, శ్రీవిష్ణు కూడా కీలక పాత్రలో ఆకట్టుకోనున్నారని టాక్ వినిపిస్తోంది. సంక్రాంతి టార్గెట్గా ఈ చిత్రాన్ని బరిలోకి దిగడానికి మేకర్స్ ప్రత్యేకంగా ప్లాన్ చేస్తున్నట్లు తెలుస్తోంది. త్వరలోనే ఈ సినిమా టైటిల్, నటీనటులు, సాంకేతిక బృందానికి సంబంధించిన పూర్తి వివరాలను అధికారికంగా ప్రకటించే అవకాశం ఉంది.
