మెగాస్టార్ చిరంజీవి – బాబీ కలయికలో ‘వాల్తేరు వీరయ్య’ మూవీ తెరకెక్కబోతున్న సంగతి తెలిసిందే. ఈ మూవీ లో ఓ కీలక రోల్ కోసం మాస్ రాజా రవితేజ నటించబోతున్నాడు. కెరీర్ ప్రారంభంలో చిన్న చిన్న పాత్రలు చేసి గుర్తింపు తెచ్చుకున్న హీరో రవితేజ.. ‘అన్నయ్య’ సినిమాలో చిరంజీవి తమ్ముడి పాత్రలో కనిపించారు. అలాగే శంకర్ దాదా చిత్రంలో తళుక్కున మెరిశాడు. ఇక ఇప్పుడు మరోసారి చిరు మూవీ లో కనిపించబోతున్నాడు.
ఈ మూవీ లోరవితేజ సరసన కేథరిన్ ను హీరోయిన్ గా ఫైనల్ చేశారని తెలుస్తోంది. ప్రస్తుతం చిరంజీవి, రవితేజ, కేథరిన్ లపై కీలక దృశ్యాల చిత్రీకరణ జరుపుతున్నారట. ఇక ఈ చిత్రంలో చిరు సరసన హీరోయిన్ గా శృతి హాసన్ నటిస్తుంది. ఈ సినిమాని మైత్రీమూవీస్ వారు నిర్మిస్తుండగా.. దేవీశ్రీ ప్రసాద్ సంగీతం అందిస్తున్నాడు.
